ମାଲକାନଗିରି : ମାଲକାନଗିରି ଜିଲ୍ଲା କାଲିମେଳାରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି । ସୋମବାର ସନ୍ଧ୍ୟାରେ ହଠାତ ବର୍ଷା ଓ ଘୂର୍ଣ୍ଣିଝଡ଼ ମାଡି ଆସିବାରୁ କାଲିମେଳା ପଞ୍ଚାୟତର ଇପିଡିପି କଲୋନୀ, ଏମପିଭି -୩୫, ଏମଭି-୬୯, ଏମଭି-୯୦, ବୁଦୁଗୁଡା, ତେଲେରାଇ ପଞ୍ଚାୟତର ତେଲେ ରାଇ, କୁଞ୍ଜଗୁଡା, ଡୋରାଗୁଡା, ଏମପିଭି ୭୭, ଗାଂପକୋଣ୍ଡା ପଞ୍ଚାୟତର ଏମଭି ୬୬ ଗ୍ରାମରେ ବ୍ୟପାକ କ୍ଷୟକ୍ଷତି ହୋଇଛି ।
କାଲିମେଳାରେ କାଳବୈଶାଖୀର ତାଣ୍ଡବ
ଏହି କାଳବୈଶାଖୀ ହେତୁ ଅନେକ ଗଛ ଉପୁଡିଥିବା ବେଳେ ଘର ଭାଙ୍ଗିଥିବା ସୂଚନା ରହିଛି । ଝଡ଼ବର୍ଷାରେ ଏମପିଭି-୭୭ ଗ୍ରାମର ସନ୍ତୋଷ ସାନାଙ୍କ ଘର ଉପରେ ଏକ ବିରାଟ ଗଛ ପଡିଥିଲା । ସୌଭାଗ୍ୟବଶତଃ ତାଙ୍କ ପରିବାରରେ କାହାର କୌଣସି କ୍ଷତି ହୋଇନାହିଁ । କେବଳ ସେତିକି ନୁହେଁ, ଅନେକ ସ୍ଥାନରେ ଦୋକାନ ଘର ଭାଙ୍ଗି ଜିନିଷ ପତ୍ର ନଷ୍ଟ ହୋଇଯାଇଛି । ଉପୁଡ଼ି ପଡ଼ିଥିବା ଗଛକୁ ଅଗ୍ନିଶମବାହିନୀ କାଟି ସଫା କରିଥିଲେ ।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
