ମାଲକାନଗିରି: ମାଓବାଦୀଙ୍କ ଯୋଜନା ପଣ୍ଡ । ଅଳ୍ପକେ ବର୍ତ୍ତିଲେ 30 ଯବାନ । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ସୁକମା ଜିଲ୍ଲାରେ ମାଓବାଦୀଙ୍କ ଏକ ବଡ ହିଂସାକାଣ୍ଡ ଯୋଜନା ପଣ୍ଡ ହୋଇଛି ।
ଚିନ୍ତଲନାର ଗାଁ ଦେଇ ଯାଇଥିବା ମୁଖ୍ୟ ରାସ୍ତାରେ ପୋଲିସକୁ ଟାର୍ଗେଟ କରିବା ପାଇଁ ଲାଗିଥିବା 10 କେଜିରୁ ଅଧିକ ବିସ୍ଫୋରକ ଥିବା ଲ୍ୟାଣ୍ଡମାଇନକୁ ନିଷ୍କ୍ରିୟ କରିଛନ୍ତି ଯବାନ। ଏସଟିଏଫ ଏବଂ ଡିଆରଜି ଯବାନ ଅପରେସନବେଳେ ଲ୍ୟାଣ୍ଡମାଇନ ଠାବ କରିଥିଲେ । ପରେ ଘଟଣାସ୍ଥଳରେ ହିଁ ଲ୍ୟାଣ୍ଡମାଇନକୁ ନିଷ୍କ୍ରିୟ କରିଥିଲେ ।
ମାଓବାଦୀଙ୍କ ଯୋଜନା ପଣ୍ଡ
ବିସ୍ଫୋରକ ସାମଗ୍ରୀ ଏତେ ଭୟଙ୍କର ଥିଲା ଯେ ପୋଲିସର ଗାଡିକୁ 20 ରୁ 30 ଫୁଟ ଅତି ସହଜରେ ଉଡାଇବାର କ୍ଷମତା ରଖିଥିଲା। ତେବେ ଘଟଣା ପରେ ପୋଲିସ ପକ୍ଷରୁ ସେହି ଅଞ୍ଚଳରେ ସର୍ଚ୍ଚ ଅପରେସନ ଜୋରଦାର କରାଯାଇଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
