ସୀମାରେ ମାଓ କ୍ୟାମ୍ପ ଧ୍ବଂସ, ବିପୁଳ ପରିମାଣର ମାଓ ସାମଗ୍ରୀ ଜବତ

ସୀମାରେ ମାଓ କ୍ୟାମ୍ପ ଧ୍ବଂସ । ଘଟଣାସ୍ଥଳରୁ ବିପୁଳ ପରିମାଣରେ ମାଓ ସାମଗ୍ରୀ ଜବତ । ମାଓବାଦୀ ଖସି ପଳାଇଥିବା ସୂଚନା ।

ମାଲକାନଗିରି : ସୀମାରେ ମାଓ କ୍ୟାମ୍ପ ହେଲା ଧ୍ବଂସ । ଘଟଣାସ୍ଥଳରୁ ବିପୁଳ ପରିମାଣରେ ମାଓ ସାମଗ୍ରୀ ଜବତ ହୋଇଛି । ସୂଚନା ମୁତାବକ ସୀମାନ୍ତ ଛତିଶଗଡର ସୁକମା ଜିଲ୍ଲା ଚିନ୍ତଲନାର ଥାନା ଅର୍ନ୍ତଗତ ଦୁଲେଡ ଜଙ୍ଗଲରେ ମାଓବାଦୀମାନେ କ୍ୟାମ୍ପ ପକାଇ ନୂଆ ରଣନୀତି ପ୍ରସ୍ତୁତ କରୁଥିଲେ ।

ଗୁଇନ୍ଦା ସୂଚନା ମାଧ୍ୟମରେ ଖବର ମିଳିବା ପରେ ସିଆରପିଏଫ 150 ବାଟାଲିଅନ ଏବଂ କୋବ୍ରା 206 ବାଟାଲିଅନର ଯବାନ

ମାନେ ଜଙ୍ଗଲରେ କମ୍ବିଂ ଅପରେସନ ଆରମ୍ଭ କରିଥିଲେ । ଯବାନଙ୍କୁ ଦେଖି ମାଓବାଦୀ ମାନେ ଗୁଳିଚାଳନା କରିବାରୁ ଯବାନ ମାନେ ମଧ୍ୟ ପାଲଟା ଆକ୍ରମଣ କରିଥିଲେ।

ଦୀର୍ଘ ସମୟ ଧରି ଗୁଳିବିନିମୟ ହେବା ପରେ ଘଞ୍ଚ ଜଙ୍ଗଲସହ ପାହାଡର ଆଢୁଆଳରେ ମାଓବାଦୀ ମାନେ ଖସି ପଳାଇଥିବା ବେଳେ ଅନେକ ମାଓସାମଗ୍ରୀ ଜବତ ହୋଇଛି । ବର୍ତ୍ତମାନ ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଥିବା ଖବର ରହିଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ