ମାଲକାନଗିରି: ଏକ ବିଶେଷ ସୂତ୍ରରୁ ଖବର ପାଇ 76 ନମ୍ବର ବାଟାଲିଆନର ବିଏସଏଫ ଯବାନ ଆନ୍ଧ୍ର ଓଡିଶା ବୋର୍ଡର ସୀମା ଗମ୍ଫାକୋଣ୍ଡା ଜଙ୍ଗଲରେ ଏକ ଅପରେସନ ଆରମ୍ଭ କରିଥିଲେ । ଏହି ଅପରେସନରେ ସୀମା ସୁରକ୍ଷା ବଳ ଏବଂ ଜିଲ୍ଲା ପୋଲିର ମିଳିତ ଅପରେସନରେ ଆଜି ସକାଳ ସମୟରେ ବିପୁଳ ପରିମାଣରେ ବିସ୍ଫୋରକ ସାମଗ୍ରୀ ଜବତ କରିଛି ।
ମାଲକାନଗିରିର ଥାନା କାଲିମେଳା ଅଧୀନରେ ଥିବା ଗୋମଫାକୋଣ୍ଡା ଜଙ୍ଗଲ ନିକଟରେ ଥିବା ଏକ ପଥର ଖଣ୍ଡରୁ ବିସ୍ଫୋରକ ସାମଗ୍ରୀ ଚିହ୍ନଟ କରାଯାଇଥିଲା । ସେଠାରୁ କିଛି ବିସ୍ଫୋରକ ଜିନିଷ ଜବତ କରାଯାଇଛି । ଜବତ ହୋଇଥିବା ସାମଗ୍ରୀ ଗୁଡିକ ଜେଲାଟିନ୍, ତାର ସହ ଡିଟୋନେଟର, ତାର ବିହିନ ଡିଟୋନେଟର ଓ ବ୍ୟକ୍ତିଗତ ବ୍ୟବହାର ପାଇଁ ବିଭିନ୍ନ ଜିନିଷ । ଏଗୁଡିକ ପୋଲିସ ଓ ବିଏସଏଫଙ୍କୁ ଟାର୍ଗେଟ ପାଇଁ ରଖା ହୋଇଥିବା ସନ୍ଦେହ କରାଯାଉଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
