ମାଲକାନଗିରି: ନେତା ଘୋଡାରେ ଚଢି ବିରାଟ ଶୋଭାଯାତ୍ରା କରି ପ୍ରଚାର କରିବା ଦୃଶ୍ୟ ଥିଲା ଅତ୍ୟନ୍ତ ନିଆରା । ମାଓଗଡରେ ସାଧାରଣ ଜନତାଙ୍କ ନିକଟତର ହେବା ପାଇଁ ଘୋଡା ପିଠିରେ ବସି ବୁଲିଛନ୍ତି ନେତା । ଘୋଡା ପିଠିରେ ବସି ନିଆରା ପ୍ରଚାର ଅଭିଯାନ ଆରମ୍ଭ କରିଛନ୍ତି ପ୍ରଦେଶ କଂଗ୍ରେସ କାର୍ଯ୍ୟକାରୀ ସଭାପତି ପ୍ରଦୀପ ମାଝୀ।
ଶହଶହ ସମର୍ଥକଙ୍କ ମେଳରେ ଏକ ବିରାଟ ଶୋଭାଯାତ୍ରାରେ ଘୋଡା ପିଠିରେ ବସି ମାଲକାନଗିରି ଜିଲ୍ଲାର ବିଚ୍ଛିନ୍ନାଞ୍ଚଳ ବୁଲିଛନ୍ତି ପ୍ରଦୀପ ମାଝୀ। ନକ୍ସଲ ଗଡ ଭାବେ ପରିଚିତ ଜନତା ପାଇ ଗ୍ରାମରୁ ପାପେରମେଟଲା ପର୍ଯ୍ୟନ୍ତ ଘୋଡା ପିଠିରେ ବସି ଲୋକଙ୍କ ପାଖକୁ ଯାଇଛନ୍ତି ପ୍ରଦୀପ । ସାଧାରଣ ସଭା ଆୟୋଜନ କରି ସମସ୍ତ ପ୍ରତିଶ୍ରୃତି ପୂରଣ କରିବା ପାଇଁ ଦେଇଛନ୍ତି ଲୋକଙ୍କୁ ଭରସା।
ଆଗକୁ ସାଧାରଣ ନିର୍ବାଚନ। ଲୋକଙ୍କ ନିକଟତର ହେବା ପାଇଁ ପ୍ରଦୀପ ମାଝିଙ୍କ ଏହି ଘୋଡା ଚଢା ଦୃଶ୍ୟ ତାଙ୍କ ପାଇଁ ନୂଆ । ହେଲେ ଏହି ନିଆରା ଉପାୟ ତାଙ୍କ ପାଇଁ କେତେ ଫଳପ୍ରଦ ହେଉଛି, ତାହା ଆଗାମୀ ନିର୍ବାଚନରେ ହିଁ ଜଣାପଡିବ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
