ମାଲକାନଗିରି: ଯୁବତୀଙ୍କୁ ଅସଦାଚରଣ ଅଭିଯୋଗରେ ବନ୍ଧାହେଲେ 7 ଯୁବକ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ଅଧିନ ପଦ୍ମଗିରି ରାସ୍ତାରେ । ସୂଚନାନୁସାରେ ପଦ୍ମଗିରି ରାସ୍ତା କଡରେ ଜଣେ ଯୁବକ ଓ ଯୁବତୀ ଅସଂଯତ ଅବସ୍ଥାରେ ଧରା ପଡିବା ପରେ ସେମାନଙ୍କୁ ବଳ ପୂର୍ବକ 7 ଜଣ ଯୁବକ ଅସଦାଚରଣ କରିଥିଲେ । ଏପରିକି ଘଟଣାସ୍ଥଳରେ ଯୁବତୀଙ୍କ ପୋଷାକ ଛଡାଇ ନେବା ସହ ତାଙ୍କୁ ଉଲଗ୍ନ କରି ବିଭିନ୍ନ ଶାରୀରିକ ନିର୍ଯାତନା ଦେଇଥିବା ନେଇ ସୂଚନା ମିଳିଛି।
ଏତିକିରେ ମନ ବୁଝିନଥିଲା ଯେ ଶେଷରେ ଗଣ ଦୁର୍ଷ୍କମ କରିବାକୁ ଚେଷ୍ଟା କରିଥିଲେ ସୁଦ୍ଧା ବିଫଳ ହୋଇଥିଲେ ଅଭିଯୁକ୍ତ ଯୁବକମାନେ । ଶେଷରେ ସେହି ଅନ୍ତରଙ୍ଗ ମୁହୂର୍ତ୍ତର ଭିଡିଓକୁ ଭାଇରାଲ କରିଥିଲେ ।
ଏନେଇ ଶୁକ୍ରବାର ଗଣମାଧ୍ୟମରେ ଖବର ପ୍ରସାରଣ ହେବା ପରେ ଆକ୍ସନ ମୋଡରେ ଘଟଣାସ୍ଥଳକୁ ଯାଇ ପୁରା ତଦନ୍ତ ଆରମ୍ଭ କରିଛି ମାଲକାନଗିରି ଥାନା ପୋଲିସ । ଏହି ଘଟଣାରେ ସିନ୍ଦ୍ରିମାଳ ଗାଁର ସମସ୍ତ 6 ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ମାଲକାନଗିରି ଥାନାଧିକାରୀ ସୂଚନା ଦେଇଛନ୍ତି ।
ତେବେ ଗିରଫ 7 ଅଭିଯୁକ୍ତମାନେ ହେଲେ ଡମ୍ବରୁ ମାଡକାମି, ପ୍ରିତମ କରସ୍ତା, ତ୍ରିନାଥ କରସ୍ତା, କାନ୍ତା କରସ୍ତା, ସମାରୁ କରସ୍ତା ଓ ଦେବା ମାଢି ଓ ଜଣେ ନାବାଳକ ଥିବା ନେଇ ପୋଲିସ ସୂଚନା ଦେବା ସହ ନାବାଳକଙ୍କ ନାମ ଘୋଷଣା କରିନାହିଁ ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
