ମାଲକାନଗିରି: ପୁଅର ଠେଙ୍ଗା ମାଡରେ ବାପାର ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମାଲକାନଗିରିର ଥାନା ଅନ୍ତର୍ଗତ ପାଲ୍ କୁଣ୍ଡା ଗ୍ରାମରେ । ସୋମବାର ସଂଧ୍ୟାରେ ପାଲ୍ କୁଣ୍ଡା ଗ୍ରାମର ଇଙ୍ଗା ମାଡକାମୀ ନାମକ ଯୁବକ ଜଣକ କୌଣସି କାରଣକୁ ନେଇ ନିଜ ବାପାଙ୍କ ସହ ପାଟିତୁଣ୍ଡ କରିଥିଲା ।
ପୁଅର ଠେଙ୍ଗା ମାଡରେ ବାପାର ମୃତ୍ୟୁ, ଅଭିଯୁକ୍ତ ଗିରଫ
ଆଉ ଶେଷରେ ବଚସାର ରୂପ ଏତେ ଭୟଙ୍କର ଥିଲା ଯେ ଇଙ୍ଗା ନିଜ ବାପା ଭିମା ମାଡକାମୀଙ୍କୁ ଏକ ଠେଙ୍ଗାରେ ମାଡ ମାରିଥିଲା । ଫଳରେ ଘଟଣାସ୍ଥଳରେ ହିଁ ଭିମାଙ୍କର ମୃତ୍ୟୁ ହୋଇଥିଲା ।ଖବର ପାଇ ଘଟଣାସ୍ଥଳରେ ମାଲକାନଗିରିର ଥାନାଧିକାରୀ ରାମ୍ ପ୍ରସାଦ ନାଗ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ପରେ ଅଭିଯୁକ୍ତ ଇଙ୍ଗା ମାଡକାମୀକୁ ଥାନାରେ ଅଟକ ରଖି ପଚରା ଉଚରା କରୁଛି ପୋଲିସ ।
ଆଉ ପୋଲିସ ଏହାର ତଦନ୍ତ କରିବା ସହ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟଚାଲାଣ କରାଯିବ ବୋଲି ମାଲକାନଗିରିର ଥାନାଧିକାରୀ ସୂଚନା ଦେଇଛନ୍ତି ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
