ମାଲକାନଗିରି: ଜିଲ୍ଲାରେ ଥିବା ସାତ ମହଲା ବିଶିଷ୍ଟ ଜିଲ୍ଲା ସଦର ଚିକିତ୍ସାଳୟର ସ୍ବାସ୍ଥ୍ୟ ସେବା ଅନୁଧ୍ୟାନ କରିବା ଲାଗି ବୁଧବାର ମାଲକାନଗିରି ଗସ୍ତ କରିଛନ୍ତି ତିନି ଜଣିଆ କେନ୍ଦ୍ରୀୟ ଟିମ ।
ମାଲକାନଗିରି ଗସ୍ତରେ କେନ୍ଦ୍ରିୟ ଟିମ୍, ପରଖିଲା ସ୍ବାସ୍ଥ୍ୟ ସେବା
କେନ୍ଦ୍ରୀୟ ଟିମ୍ ଜିଲ୍ଲା ସଦର ଚିକିତ୍ସାଳୟରେ ଭର୍ତ୍ତି ଥିବା ରୋଗୀଙ୍କ ସହ କଥା ହୋଇ ସେଠାକାର ସ୍ବାସ୍ଥ୍ୟ ସେବା ସମ୍ପର୍କରେ ପଚାରି ବୁଝିଥିଲେ। ଏହାସହ ଲୋକଙ୍କୁ ଦିଆଯାଉଥିବା ଔଷଧର ମାନ ମଧ୍ୟ ପରୀକ୍ଷା କରିବା ସହ ଲେବୋରେଟାରି, ଓଟି ଓ ଅପରେସନ ରୁମ୍ ସହ ସମଗ୍ର ମେଡିକାଲ ପରିଦର୍ଶନ କରିଥିଲେ ଏହି ତିନି ଜଣିଆ ଟିମ୍।
ଦେଶର ଅନେକ ମେଡିକାଲ ବୁଲିବା ପରେ କେନ୍ଦ୍ର ସରକାରଙ୍କୁ ରିପୋର୍ଟ ଦେବେ ଏହି ଟିମ୍। ଗରିବ ଲୋକଙ୍କୁ ଠିକ୍ ଭାବେ ସ୍ବାସ୍ଥ୍ୟ ସେବା ଯୋଗାଇବାରେ ଯେଉଁ ମେଡିକାଲ ପ୍ରଥମ ହେବ ତାହାକୁ କେନ୍ଦ୍ର ସରକାରଙ୍କ ପକ୍ଷରୁ ପୁରସ୍କୃତ କରାଯିବ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
