ମାଲକାନଗିରି: ‘କୌଣସି ବେସରକାରୀ ନର୍ସିଂହୋମ ଠାରୁ କମ ନୁହେଁ ସରକାରୀ ଡାକ୍ତରଖାନା । ପ୍ରସବ ଠାରୁ ଅସ୍ତ୍ରୋପଚାର ସବୁ କିଛି ପାଇଁ ସମସ୍ତ ପ୍ରକାର ସୁବିଧା ଏଠାରେ ରହୁଛି । ସେ ବି ମାଗଣାରେ । ଏଣୁ ଅଯଥାରେ ଭୟଭୀତ ହୋଇ ଅଧିକା ଟଙ୍କା ଖର୍ଚ୍ଚ କରନ୍ତୁ ନାହିଁ’ ବୋଲି ପରାମର୍ଶ ଦେଇଛନ୍ତି ମାଲକାନଗିରି ଜିଲ୍ଳା ଚିକିତ୍ସା ଅଧିକାରୀ ଅନୀଲ କୁମାର ମିଶ୍ର ।
ଭିଡିଓ ସୌଜନ୍ୟ-ସମ୍ବାଦଦାତା, ମାଲକାନଗିରି
ଜିଲ୍ଲା ଚିକିତ୍ସାଳୟରେ ଜିଲ୍ଲାପାଳ ମନିଷ ଅଗ୍ରୱାଲଙ୍କ ପତ୍ନୀଙ୍କ ପ୍ରସବ ପରେ ସରକାରୀ ଡାକ୍ତରଖାନା ଉପରେ ଲୋକଙ୍କ ବିଶ୍ବାସ ବଢିଯାଇଛି । ବର୍ଷେ ତଳେ ମାଲକାନଗିରିର ଏହି ଡାକ୍ତରଖାନାରେ ଏସପି ଜଗମୋହନ ମିନା ତାଙ୍କ ପତ୍ନୀଙ୍କ ପ୍ରସବ କରାଇଥିଲେ । ଜିଲ୍ଲା ମୁଖିଆ ହୁଅନ୍ତୁ ବା ଜଣେ ଗରିବ ସାଧାରଣ ରୋଗୀ ଡାକ୍ତରୀ ସେବା ସମସ୍ତଙ୍କ ଲାଗି ସମାନ ରହିଛି ବୋଲି ସିଡିଏମଓ ଅତି ପ୍ରାଞ୍ଜଳ ଭାବେ ବୁଝାଇ ଦେଇଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
