ମାଲକାନଗିରି : ଜିଲ୍ଲା ଖଇରପୁଟ ବ୍ଲକ ଅଣ୍ଡରାହାଲରେ ପ୍ରଥମ ଥର ପାଇଁ ବିଏସଏଫ କ୍ୟାମ୍ପ ନିର୍ମାଣ କରାଯାଇଛି। ଏହି ବଣ୍ଡା ଘାଟିରେ ବିଏସଏଫର ୧୫ନମ୍ବର ବାଟାଲିୟନ ପକ୍ଷରୁ ନୂଆ କ୍ୟାମ୍ପ ପ୍ରତିଷ୍ଠା କରାଯାଇଛି। ପୂର୍ବରୁ ସ୍ବାଭିମାନ ଅଞ୍ଚଳ ଓ ବଣ୍ଡା ଘାଟିରେ ବିଭିନ୍ନ ଉପାୟରେ ନିଜର ସ୍ଥିତି ଜାହିର କରୁଥିଲେ ମାଓବାଦୀ।
ବଣ୍ଡା ଘାଟିରେ ବିଏସଏଫ କ୍ୟାମ୍ପ, ଉତ୍ସାହିତ ସ୍ଥାନୀୟ ଲୋକେ
ହେଲେ ପ୍ରଥମେ ସ୍ବାଭିମାନ ଅଞ୍ଚଳ ଓ ଏବେ ବଣ୍ଡା ଘାଟିରେ ଗୋଟିଏ ଗୋଟିଏ କ୍ୟାମ୍ପ ନିର୍ମାଣ କରି ଲୋକଙ୍କ ନିକଟତର ହେଉଛନ୍ତି ପୋଲିସ ଓ ବିଏସଏଫ। ବଣ୍ଡା ଘାଟିରେ ପ୍ରଥମ ଥର ପାଇଁ ବିଏସଏଫ କ୍ୟାମ୍ପ ନିର୍ମାଣ ହୋଇଥିବାରୁ ବେଶ ଉତ୍ସାହିତ ହୋଇଛନ୍ତି ଏଠିକାର ବାସିନ୍ଦା। ସୀମା ସୁରକ୍ଷା ବାହିନୀର ପ୍ରାୟ 100ଜଣ ଯବାନ ଓ କମ୍ପାନୀ କମାଣ୍ଡଡେଣ୍ଟ ସମେତ ଏକ ୟୁନିଟ ଏଠାରେ କାର୍ଯ୍ୟ କରିବେ ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
