ମାଲକାନଗିରି: ପୁଣି ମାଲକାନଗିରରେ ଦେଖିବାକୁ ମିଳିଛି ଅନ୍ଧ ବିଶ୍ଵାସର ବାସ୍ତବ ଝଲକ । ରାସ୍ତା ମଝିରେ ମୃତଶିଶୁକୁ ଶୁଆଇ ଚାଲିଛି ମନ୍ତ୍ର ପାଠ । ବଡ କଥା ଯେ, ପାଖରେ ଡାକ୍ତର ମଧ୍ୟ ଅଛନ୍ତି । ହେଲେ ପୁଅ ମରିନି ବୋଲି ମାନିବାକୁ ନାରାଜ ପରିବାର ଲୋକ । ଏହି ଦୃଶ୍ୟକୁ ଦେଖିବାକୁ ଶହ ଶହ ଲୋକଙ୍କ ଭିଡ ଜମିଛି ।
ଭିଡିଓ ସୌଜନ୍ୟ-ସମ୍ବାଦଦାତା, ମାଲକାନଗିରି
ଜିଲ୍ଲା ସଦର ମହକୁମା ବାଲିମେଳା ଛକରେ ରହୁଥିବା ଶଙ୍କର ଓ ରିନା ବିଶ୍ବାସଙ୍କ ଏକ ମାତ୍ର ପୁଅ(2 ବର୍ଷ) ସମରଦୀପ । ଆଜି(ବୁଧବାର) ସକାଳୁ ଏମଭି 10 ଗ୍ରାମରେ ଥିବା ଏକ ପୋଖରୀରେ ବୁଡି ସେ ପ୍ରାଣ ହରାଇଥିଲେ ।
ଏହା ପରେ ପରିବାର ଲୋକେ ତାଙ୍କୁ ମାଲକାନଗିରି ଜିଲ୍ଲା ଚିକିତ୍ସାଳୟକୁ ନେଇ ଥିବାବେଳେ ଡାକ୍ତର ପୁଅକୁ ମୃତ ଘୋଷଣା କରିଥିଲେ । ହେଲେ ପରିବାର ଲୋକଙ୍କ ମନ ନ ମାନିବାରୁ ଗୁଣିଆ ଡାକି ସହର ମଝିରେ ମୃତ ଛୁଆକୁ ବଞ୍ଚାଇବାକୁ ଉଦ୍ୟମ କରୁଥିବା ଦେଖିବାକୁ ମିଳିଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
