ହାଇଦ୍ରାବାଦ: ଏଣ୍ଟରଟେନମେଣ୍ଟ କୁଇନ୍ ରାକ୍ଷୀ ସାୱନ୍ତ ପୁଣିଥରେ ଚର୍ଚ୍ଚାକୁ ଆସିଛନ୍ତି । ରାଖୀ ଦୁଇଥର ବିବାହ କରିଥିଲେ ଏବଂ ଉଭୟ ବିବାହ ଅଧିକ ଦିନ ତିଷ୍ଠି ପାରି ନଥିଲା । ଏବେ ରାକ୍ଷୀ ତୃତୀୟ ଥର ପାଇଁ ପ୍ରେମରେ ପଡ଼ିଛନ୍ତି ଏବଂ ସେ ତୃତୀୟ ଥର ପାଇଁ ବିବାହ କରିବାକୁ ଯାଉଛନ୍ତି । ସେ ପାକିସ୍ତାନର ବୋହୂ ହେବାକୁ ଯାଉଛନ୍ତି । ରାକ୍ଷୀ ସାୱନ୍ତ ପାକିସ୍ତାନରେ ନିଜ ଜୀବନସାଥୀ ପାଇଛନ୍ତି । ପାକିସ୍ତାନର ଜଣେ ବ୍ୟକ୍ତି ରାକ୍ଷୀ ସାୱନ୍ତଙ୍କୁ ବିବାହ ପାଇଁ ପ୍ରସ୍ତାବ ଦେଇଛନ୍ତି । ରାଖୀ ସାୱନ୍ତ ମଧ୍ୟ ତାଙ୍କ ପ୍ରସ୍ତାବରେ ରାଜି ହୋଇଛନ୍ତି ।
ପାକିସ୍ତାନର ବୋହୂ ହେବେ ରାଖୀ ସାୱନ୍ତ
ଗଣମାଧ୍ୟମ ରିପୋର୍ଟ ଅନୁସାରେ, ରାକ୍ଷୀ ସାୱନ୍ତ ଏବେ ପଡ଼ୋଶୀ ଦେଶ ପାକିସ୍ତାନର ବୋହୂ ହେବାକୁ ଯାଉଛନ୍ତି । ନିକଟରେ ଏକ ଗଣମାଧ୍ୟମ ସହ ସାକ୍ଷାତକାରରେ ରାକ୍ଷୀ ତୃତୀୟ ବିବାହ ନେଇ କଥାବାର୍ତ୍ତା କରିଛନ୍ତି । ଏହି ସମୟରେ ସେ କହିଥିଲେ, 'ମୁଁ ପାକିସ୍ତାନରୁ ଅନେକ ବିବାହ ପ୍ରସ୍ତାବ ପାଇଛି । ପାକିସ୍ତାନୀମାନେ ଜାଣନ୍ତି ଯେ ମୋର ଉଭୟ ବିବାହ କେତେ ବେକାର ହୋଇଛି ଏବଂ ମୁଁ କେତେ ଅତ୍ୟାଚାରର ସମ୍ମୁଖୀନ ହୋଇଛି । ଏବେ ମୁଁ କେବଳ ପାକିସ୍ତାନରେ ବିବାହ କରିବି । ଅନେକ ଭାରତୀୟ ଏବଂ ପାକିସ୍ତାନୀ ଦମ୍ପତି ବିବାହ କରି ବିଦେଶରେ ରହିଛନ୍ତି ଏବଂ ଏକ ସୁନ୍ଦର ବୈବାହିକ ଜୀବନ ବିତାଉଛନ୍ତି । ଭାରତୀୟ ଏବଂ ପାକିସ୍ତାନୀମାନେ ପରସ୍ପର ବିନା ରହିପାରିବେ ନାହିଁ, ମୁଁ ପାକିସ୍ତାନ ଏବଂ ଏହାର ଲୋକଙ୍କୁ ପସନ୍ଦ କରେ ଏବଂ ଏଠାରେ ମୋର ଅନେକ ପ୍ରଶଂସକ ମଧ୍ୟ ଅଛନ୍ତି।'
ରାକ୍ଷୀ ସାୱନ୍ତ କାହାକୁ ବିବାହ କରିବେ ?
ରାକ୍ଷୀ ସାୱନ୍ତ କହିଛନ୍ତି ଯେ ସେ ଡୋଡି ଖାନଙ୍କୁ ବିବାହ କରିବେ । କହିରଖୁଛୁ କି, ଡୋଡି ଖାନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ରାକ୍ଷୀଙ୍କୁ ବାରାତ୍ କେଉଁଠାରୁ ଆଣିବେ ବୋଲି ପଚାରିଛନ୍ତି । ଏଥିସହ ସେ ରାକ୍ଷୀଙ୍କୁ ପ୍ରପୋଜ ମଧ୍ୟ କରିଛନ୍ତି । ଯାହାର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ପ୍ରସ୍ତାବରେ ରାଜି ହୋଇଛନ୍ତି ରାକ୍ଷୀ ଏବଂ ସେ ତାଙ୍କୁ ବିବାହ ନେଇ ଗଣମାଧ୍ୟମକୁ ମଧ୍ୟ ପ୍ରତିକ୍ରିୟା ଦେଇଛନ୍ତି । ସେ ନିଜ ବିବାହ ସହ ହନିମୁନ ଯୋଜନା ପ୍ରସ୍ତୁତ ଥିବା କହିଛନ୍ତି । ରାକ୍ଷୀ କହିଛନ୍ତି ଯେ ଡୋଡି ଜଣେ ଅଭିନେତା ଏବଂ ଜଣେ ପୋଲିସ ମଧ୍ୟ । ଉଭୟ ବିବାହ ପାକିସ୍ତାନରେ ହେବ । ରିସେପ୍ସନ ଭାରତରେ ହେବ, ମଧୁଚନ୍ଦ୍ରିକା ସ୍ୱିଜରଲ୍ୟାଣ୍ଡ କିମ୍ବା ନେଦରଲ୍ୟାଣ୍ଡରେ ବିତାଇବେ, ସେମାନେ ଦୁବାଇର ହୋଟେଲରେ ରହିବେ ।
କହିରଖୁଛୁ ଯେ, ରାକ୍ଷୀ ସାୱନ୍ତ ନିକଟରେ ପୂର୍ବତନ ପାକିସ୍ତାନୀ ଦ୍ରୁତ ବୋଲର ୱାସିମ ଆକ୍ରମଙ୍କୁ ମଧ୍ୟ ଭେଟିଥିଲେ । ଯାହାର ଭିଡିଓ ସାମ୍ନାକୁ ଆସିଛି । ଏଥିସହ ରୀକ୍ଷାଙ୍କ ଆଉ ଏକ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ସେ କହୁଛନ୍ତି ସେ ପାକିସ୍ତାନୀ ଅଭିନେତ୍ରୀ ହାନିଆ ଆମିରଙ୍କୁ ଭେଟିବାକୁ ଏବଂ ପାକିସ୍ତାନୀ ଇଣ୍ଡଷ୍ଟ୍ରିରେ କାମ କରିବାକୁ ଲାହୋର ପହଞ୍ଚିଛନ୍ତି । ସେ ବଲିଉଡ ଛାଡ଼ି ଏବେ ପାକିସ୍ତାନରେ ରହିବେ ଓ କାମ କରିବେ । ସେ ଭାରତରୁ ନିଜ ସମସ୍ତ ଜିନିଷ ସହ ପାକିସ୍ତାନ ଆସିଥିବା ପ୍ରକାଶ କରିଛନ୍ତି । ସେ ନିଜ ସୁଟକେସ୍ ମଧ୍ୟ ଦେଖାଇଛନ୍ତି ।
ଏହା ମଧ୍ୟ ପଢନ୍ତୁ: ‘ଆଦିଲ ଫେମସ୍ ହେବା ପାଇଁ ମୋତେ ବ୍ୟବହାର କରିଥିଲା...’ ବିବାହ ପ୍ରମାଣ ପତ୍ର ଉପସ୍ଥାପନ କଲେ ରାକ୍ଷୀ ସାୱନ୍ତ
ତୃତୀୟ ବିବାହ କରିବେ ରାକ୍ଷୀ
ରାକ୍ଷୀ ଏହା ପୂର୍ବରୁ ଦୁଇ ଦୁଇ ଥର ବିବାହ ବନ୍ଦନରେ ବାନ୍ଧି ହୋଇଥିବା ବେଳେ ଉଭୟଙ୍କ ଠାରୁ ଅଲଗା ହୋଇଛନ୍ତି । ପ୍ରଥମ ବିବାହ ରିତେଶ ସିଂଙ୍କ ସହ କରିଥିବା ବେଳେ ଦ୍ୱିତୀୟ ବିବାହ ଆଦିଲ ଖାନ ଦୁରାନିଙ୍କ ସହ ହୋଇଥିଲା । ଉଭୟଙ୍କ ବିବାହ ଅଳ୍ପ ଦିନ ତିଷ୍ଠିଥିଲା । ବର୍ତ୍ତମାନ ରାକ୍ଷୀ ପୁଣିଥରେ ନିଜ ଜୀବନସାଥୀ ପାଇଥିବା ବେଳେ ତୃତୀୟ ଥର ବିବାହ କରିବାକୁ ଯାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
