ମାଲକାନଗିରି: କେନ୍ଦ୍ର ଟ୍ରେଡ ୟୁନିଅନ ପକ୍ଷରୁ ବୁଧବାର ଭାରତ ବନ୍ଦ । ଆଇଏନଟିୟୁସି, ଏଆଇଟିୟୁସି, ସ୍ବାଧୀନ ଫେଡେରେସନଙ୍କ ପକ୍ଷରୁ ମିଳିତ ଭାରତ ବନ୍ଦ ଡାକରାର ପ୍ରଭାବ ମାଲକାନଗିରି ଜିଲ୍ଲାରେ ମଧ୍ୟ ଦେଖିବାକୁ ମିଳିଛି । ରାସ୍ତାଘାଟ, ଗାଡି ମୋଟର ବନ୍ଦ ଯୋଗୁଁ ଲୋକେ ନାହିଁ ନଥିବା ଅସୁବିଧା ଭୋଗୁଛନ୍ତି ।
ମାଲକାନଗିରିରେ ଭାରତ ବନ୍ଦର ପ୍ରଭାବ
ମାଲକାନଗିରି ଜିଲ୍ଲାରେ ଏହି ବନ୍ଦ ଯୋଗୁଁ ଦୋକାନ ବଜାର, ଗାଡି ମୋଟର ଯାତାୟାତ, ସ୍କୁଲ କଲେଜ, ଅଫିସ ଆଦି ବନ୍ଦ ରହିଛି । ବିଭିନ୍ନ ସଂଗଠନର କର୍ମୀ ମାନେ ରାସ୍ତାରେ ପ୍ଲା କାର୍ଡ ଧରି ରାସ୍ତା ଅବରୋଧ କରିଛନ୍ତି । କେନ୍ଦ୍ର ସରକାରଙ୍କ ବିରୋଧରେ ନାରାବାଜି କରାଯାଇଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
