ମାଲକାନଗିରି: ବାରହା ଆକ୍ରମଣରେ ଆହତ ଯୁବକ 13 କିମି ଭାରରେ ବୁହାହୋଇ ଡାକ୍ତରଖାନାରେ ପହଞ୍ଚିଲେ । ମଙ୍ଗଳବାର ମାଲକାନଗିରିରର ମାଥିଲି ଥାନା ଅନ୍ତର୍ଗତ ଦଣ୍ଡିପଦର ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା । ଆହତ ଯୁବକ ଶିବ ଶଙ୍କର ଦୁରୁଆ ଗାଇ ଚରାଇବାକୁ ଜଙ୍ଗଲ ଗଲାବେଳେ ବାରହା ଆକ୍ରମଣର ଶିକାର ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ 13 କିମି ଭାରରେ ବୋହି ଡାକ୍ତରଖାନାକୁ ନିଆ ଯାଇଥିଲା ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ସୂଚନା ମୁତାବକ, ପ୍ରତିଦିନ ଭଳି ଶିବ ଆଜି ମଧ୍ୟ ଗାଇ ଚରାଇବାକୁ ଜଙ୍ଗଲ ଯାଇଥିଲେ । ଏତିକି ବେଳେ ଗୋଟିଏ ବାରହା ତାଙ୍କୁ ଆକ୍ରମଣ କରିଥିଲା । ପରେ ଗୁରୁତର ଅବସ୍ଥାରେ ତାଙ୍କୁ ଗ୍ରାମବାସୀ 13 କିଲୋମିଟର ଭାରରେ ବୋହି ପ୍ରଥମେ ସାଲମୀ ସ୍ବାସ୍ଥ୍ୟକେନ୍ଦ୍ର ଓ ପରେ ମଇଥିଲି ଡାକ୍ତରଖାନା ନେଇଥିଲେ । ଏବେ ସେ ଚିକିତ୍ସାଧୀନ ରହିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
