ମାଲକାନଗିରି: ଜିଲ୍ଲାରେ ମୁଦୁଲିପଡା ଥାନା ଅନ୍ତର୍ଗତ ମଡ଼ାକାପଦର ପଦର ଘାଟିରେ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡିଛି । ଫଳରେ 40 ଜଣ ଆହତ ହୋଇଛନ୍ତି । ସେମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାମୁତାବକ, ମୁଦୁଲିପଡା ଥାନା ଅଧିନରେ ଥିବା ଗୋବିନ୍ଦପାଲି ହାଟକୁ ମଡାକାପଦର ଏବଂ ଏହାର ଆଖପାଖ ଅଞ୍ଚଳର ଲୋକେ ଉକ୍ତ ଟ୍ରାକ୍ଟରରେ ଆସୁଥିଲେ। ବର୍ଷା ଯୋଗୁଁ ରାସ୍ତା ଖରାପ ଥିବା କାରଣରୁ ଟ୍ରାକ୍ଟରଟି ଓଲଟି ପଡିଥିଲା ।
ତେବେ ଉକ୍ତ ଟ୍ରାକ୍ଟରରେ ଥିବା ସମସ୍ତ 40 ଜଣଙ୍କୁ ମାଥିଲି ଏବଂ ଗୋବିନ୍ଦପାଲି ହସ୍ପିଟାଲରେ ଭର୍ତ୍ତି କରାଯାଉଛି । ସେମାନଙ୍କ ମଧ୍ୟରୁ 5 ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
