ଆନ୍ଧ୍ରପ୍ରଦେଶକୁ ଚାଲାଣବେଳେ 8 ଶିଶୁ ଶ୍ରମିକ ଉଦ୍ଧାର

ଲଙ୍କା ତୋଳିବା କାର୍ଯ୍ୟରେ ନିୟୋଜିତ କରିବା ପାଇଁ ଜଣେ ଦଲାଲ 8 ଶିଶୁ ଶ୍ରମିକଙ୍କୁ ମାଲକାନଗିରିରୁ ଆନ୍ଧ୍ରପ୍ରଦେଶକୁ ନେଇ ଯାଉଥିବାବେଳେ ଧରାପଡିଲା । ପଢନ୍ତୁ ସମ୍ପୂର୍ଣ୍ଣ ଖବର...

ମାଲକାନଗିରି: ଜିଲ୍ଲାରେ ପୁଣି ଉଦ୍ଧାର ହେଲେ 8 ଶିଶୁ ଶ୍ରମିକ । ଲଙ୍କା ତୋଳିବା କାର୍ଯ୍ୟରେ ନିୟୋଜିତ କରିବା ପାଇଁ ଦଲାଲ ଏହି ସମସ୍ତ ଶିଶୁଙ୍କୁ ଆନ୍ଧ୍ରପ୍ରଦେଶକୁ ନେଇ ଯାଉଥିବାବେଳେ ମାଲକାନଗିରି ବସଷ୍ଟାଣ୍ଡ ନିକଟରୁ ଜିଲ୍ଲା ଚାଇଲଡ଼ ଲାଇନ ପକ୍ଷରୁ ଚଢ଼ାଉ କରାଯାଇଥିଲା ।

ଚଢାଉରେ ସମସ୍ତ ପିଲାଙ୍କୁ ଉଦ୍ଧାର କରାଯାଇଥିବାବେଳେ ଉକ୍ତ ଦଲାଲକୁ ମଧ୍ୟ ଅଟକ ରଖି ପଚରା ଉଚରା ଜାରି ରଖିଛି ଚାଇଲଡ଼ ଲାଇନ । ତେବେ ସମସ୍ତ ଶିଶୁ ମାଲକାନଗିରି ଜିଲ୍ଲା କୁଡୁମୁଲୁଗୁମ୍ମା ଅଞ୍ଚଳର ବୋଲି ଜଣାପଡିଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ