ମାଲକାନଗିରି : ମୋଟୁ ଅଞ୍ଚଳରେ 25 କେଜି 500 ଗ୍ରାମ ଗଞ୍ଜେଇ ଜବତ । ଘଟଣାରେ 2 ଜଣଙ୍କୁ ଗିରଫ କରିଛି ମାଲକାନଗିରି ପୋଲିସ । ଗିରଫ ଦୁଇ ଜଣ ହେଲେ ଏ.କ୍ରିଷ୍ଣା ଓ ଏଲ. ସିଦ୍ଧୁ । ଗିରଫ ପରେ ଦୁଇ ଜଣଙ୍କୁ କୋର୍ଟ ଚାଲାଣ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଓଡିଶା ମାନଚିତ୍ରର ଶେଷ ସୀମା ମୋଟୁ ଅଞ୍ଚଳରୁ ଆନ୍ଧ୍ରପ୍ରଦେଶକୁ ଯୋଗାଯୋଗ ପାଇଁ ରାସ୍ତା ଖୋଲିବାରୁ ସକ୍ରିୟ ହୋଇଥିବା ଗଞ୍ଜେଇ ମାଫିଆଙ୍କୁ ଧରିବାରେ ସଫଳ ହୋଇଛି ମୋଟୁ ପୋଲିସ । ଗଞ୍ଜେଇ ଚାଲାଣ ହେଉଥିବା ଖବର ପାଇ ପୁସୁଗୁଡା ପଞ୍ଚାୟତ ରାମଭୋରମ ଛକ ଠାରେ ମୋଟୁ ପୋଲିସ ଗାଡି ଯାଞ୍ଚ କରୁଥିଲା । ଏହି ସମୟରେ ଏକ ଆପାଚି ଗାଡିରୁ 25 କେଜି 500 ଗ୍ରାମ ଗଞ୍ଜେଇ ଜବତ କରିଥିଲା ପୋଲିସ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
