ମାଲକାନଗିରି: ପାଇଖାନାରୁ ଉଦ୍ଧାର 15 ଫୁଟ ଲମ୍ବର ଅହିରାଜ । ସୋମବାର ବାଲିମେଳା ଏନଏସିର ନୀଳାଦ୍ରି ନଗରରେ ରହୁଥିବା ସୁଶାନ୍ତ ପାତ୍ରଙ୍କ ପାଇଖାନାରୁ ଏହି ସାପକୁ ଉଦ୍ଧାର କରିଥିଲା ବନବିଭାଗ।
ଆଜି ସକାଳୁ ସୁଶାନ୍ତଙ୍କ ପରିବାର ଲୋକେ ଶୌଚ ହେବା ପାଇଁ ପାଇଖାନାକୁ ଯିବା ସମୟରେ ଏଭଳି ବିଶାଳକାୟ ସାପକୁ ଦେଖିଥିଲେ । ଏହାକୁ ଦେଖିବା ପରେ ପାଟି କରି ଉଠିଥିଲେ ସୁଶାନ୍ତ । ପରେ ଏ ଘଟଣା ବାବଦରେ ତାଙ୍କର ପଡୋଶୀ ବନ ବିଭାଗକୁ ଜଣାଇଥିଲେ।
ପାଇଖାନାରୁ 15ଫୁଟର ଅହିରାଜ ଉଦ୍ଧାର
ଖବର ପାଇ ବାଲିମେଳା ଫରେଷ୍ଟର ଶିବୁ ଲେଙ୍କା ଘଟଣାସ୍ଥଳରେ ପହଞ୍ଚି ସ୍ଥାନୀୟ ଅଞ୍ଚଳର ଦୁଇ ଜଣ ଯୁବକଙ୍କ ସହାୟତାରେ ଏହି ବିଶାଳକାୟ ଅହିରାଜକୁ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡିଥିଲେ । ଏହି ସାପକୁ ଦେଖିବା ପାଇଁ ଶହ ଶହ ଲୋକଙ୍କ ଭିଡ଼ ଜମିଥିଲା।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
