କୋରାପୁଟ: ପୁଣି ଭାଲୁ ଆତଙ୍କ । ଜିଲ୍ଲାର ବୋରିଗୁମ୍ମା ବ୍ଳକରେ ପୁଣି ଭାଲୁ ଭୟରେ ଲୋକେ । ପ୍ରାୟ ଏକ ସପ୍ତାହ ଧରି ବୋରିଗୁମ୍ମା ବ୍ଲକ ଲଦୀଯୋଡି ଗ୍ରାମରେ ଭାଲୁ ଆତଙ୍କ ଖେଳାଇଥିବା ବେଳେ ଆଜି ଗାଁ ଭିତରକୁ ପଶି ଆସିଛି ।
ଭାଲୁ ଭୟରେ ଗାଁ ଲୋକେ
ସୂଚନାଅନୁସାରେ ସପ୍ତାହ ହେବ ବୋରିଗୁମ୍ମା ଅଞ୍ଚଳରେ ଭାଲୁ ଆତଙ୍କ ଖେଳାଇଥିବା ବେଳେ ଆଜି ଗାଁ ଭିତରକୁ ପଶିଆସିଛି । ଫଳରେ ଗାଁ ଲୋକମାନେ ଭୟଭୀତ ହୋଇଯାଇଛନ୍ତି । ଏନେଇ ଗାଁ ଲୋକମାନେ ବନ ବିଭାଗକୁ ଖବର ଦେଇଥିଲେ । ଖବର ପାଇ ବୋରିଗୁମ୍ମା ବନବିଭାଗ ଏକ ଦଳ ଘଟଣାସ୍ଥଳରେ ପହଞ୍ଚିଛନ୍ତି । ହେଲେ ଭାଲୁଟି ଗାଁ ମଝିରେ ଥିବା ଏକ ବଡ଼ ଗଛ ଉପରକୁ ଚଢି ଯାଇଛି । ଫଳରେ ଭାଲୁକୁ ଧରିବା ସମ୍ଭବ ହୋଇନାହିଁ । ଭାଲୁର ଗତିବିଧି ଉପରେ ବନବିଭାଗ ନଜର ରଖିଛି । ଅପର ପକ୍ଷରେ ଗାଁ ଭିତରକୁ ଭାଲୁଟି ପଶି ଆସିଥିବାରୁ ଗ୍ରାମବାସୀଙ୍କ ମଧ୍ୟରେ ଭୟ ସୃଷ୍ଟି ହୋଇଛି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
