କୋରାପୁଟ: ରାସାୟନିକ ପଦାର୍ଥ ବୋଝେଇ ଗାଡି ରାସ୍ତା ଉପରେ ଦୁର୍ଘଟଣାଗ୍ରସ୍ତ ହେଲେ କିପରି ଗାଡି ଗୁଡିକୁ ପୁଣିଥରେ ରାସ୍ତା ଉପରେ ଛିଡା କରିହେବ । ସେ ସଂକ୍ରାନ୍ତରେ ଡୁମୁରିପୁଟରେ ଏକ ମକ ଡ୍ରିଲର ଆୟୋଜନ କରାଯାଇଛି । ଏହି ମକ ଡ୍ରିଲରେ ନାଲକୋ, ହାଲ ଓ ରାଜ୍ୟ ଅଗ୍ନିଶମ ବିଭାଗ ର ବିପର୍ଯ୍ୟୟ ପରିଚାଳନା ବିଶେଷଜ୍ଞ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମ ଚାଲିଥିବା ବେଳେ ଜାତୀୟ ରାଜପଥକୁ କିଛି ସମୟ ପାଇଁ ବନ୍ଦ କରି ଦିଆଯାଇଥିଲା । ପ୍ରଦର୍ଶନ ଜିଲ୍ଲାର ବିଭିନ୍ନ ବିପର୍ଯ୍ୟୟ ପରିଚାଳନା ୟୁନିଟ ମଧ୍ୟରେ ଉତ୍ତମ ବୁଝାମଣା ରହି ଏପରି ଦୁର୍ଘଟଣା ସମୟରେ ତୁରନ୍ତ ଉଚିତ ପଦକ୍ଷେପ ନେବାରେ ସହାୟକ ହେବ ବୋଲି ଜିଲ୍ଲା ଜରୁରୀକାଳୀନ ଅଧିକାରୀ ଜ୍ଞାନଜିତ ତ୍ରିପାଠୀ କହିଥିଲେ । ତେବେ କୋରାପୁଟ ଜିଲ୍ଲାର ଜୟପୁର ଘାଟି ଓ ଶୁଙ୍କି ଘାଟି ରାସ୍ତାରେ ଅତୀତରେ ଗ୍ୟାସ ଟ୍ୟାଙ୍କର ଓଲଟିବା ଫଳରେ ଅନେକ ଘଣ୍ଟା ଧରି ରାସ୍ତାରେ ଯାତାୟାତ ବନ୍ଦ ରହୁଥିଲା । ଏହାକୁ ଦୃଷ୍ଟିରେ ରଖି ଏକ ମକ ଡ୍ରିଲ କରାଯାଇଥିଲା ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
