କୋରାପୁଟ: ଜିଲ୍ଲାର ପଦ୍ମପୁର ପଞ୍ଚାୟତ ନିକଟସ୍ଥ ଜଙ୍ଗଲରୁ ଦୁଇଟି ଟ୍ରକରେ କାଠ ବୋଝେଇ ହୋଇ ଯାଉଥିବାବେଳେ ଗ୍ରାମବାସୀ ଟ୍ରକ ଦୁଇଟିକୁ ଅଟକ ରଖିଛନ୍ତି ।
ଗ୍ରାମବାସୀଙ୍କ ଦ୍ବାରା କାଠ ବୋଝେଇ ଟ୍ରକ ଜବତ
ଟ୍ରକ ଡ୍ରାଇଭରଙ୍କ କହିବା ଅନୁଯାୟୀ, କେନ୍ଦ୍ରାପଡା ଓ ପିପିଲି ପଠାଇବା ପାଇଁ ସେମାନଙ୍କୁ ସେମିଳିଗୁଡାର ଜନୈକ ବ୍ୟକ୍ତି ନିୟୋଜିତ କରିଥିଲେ । କିନ୍ତୁ ଏହି ଟ୍ରକ ଗୁଡିକରେ ବ୍ୟକ୍ତିଗତ ଜମିରେ ଲଗାଯାଇଥିବା ଆକାଶିଆ ଗଛ ସମେତ ପାଖ ପାହାଡ ଜଙ୍ଗଲରୁ କଟାଯାଇଥିବା ଜଙ୍ଗଲୀ ଗଛର କାଠ ରହିଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ଏହାସହ ଟ୍ରକର ଡ୍ରାଇଭର ଏହି କାଠର କୌଣସି କାଗଜ ପତ୍ର ଦେଖାଇ ପାରିନଥିବା ଯୋଗୁଁ ଟ୍ରକ ଦୁଇଟିକୁ ଅଟକ ରଖିଥିବା ଗ୍ରାମବାସୀ ଜଣାଇଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
