କୋରାପୁଟ: ଚଳିତ ଶିକ୍ଷା ବର୍ଷଠୁ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ବଢିବ ସିଟ୍ ସଂଖ୍ୟା । ସିଟ୍ ସଂଖ୍ୟା 125କୁ ବଢିବା ନେଇ ମେଡିକାଲ କଲେଜର ଅଧ୍ୟକ୍ଷ ପ୍ରଫେସର କୃଷ୍ଣଚନ୍ଦ୍ର ବିଶ୍ୱାଳ ଜଣାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ବର୍ତ୍ତମାନ ୧୦୦ ଜଣଙ୍କ ପାଇଁ ବ୍ୟବହୃତ ହେଉଥିବା କଲେଜ ଓ ହଷ୍ଟେଲ ପରିସରକୁ ୧୨୫ ଜଣ ଛାତ୍ରଛାତ୍ରୀଙ୍କ ବ୍ୟବହାର ପାଇଁ କୌଣସି ଅସୁବିଧା ହେବ ନାହିଁ । ବର୍ତ୍ତମାନ କଲେଜରେ ନିଯୁକ୍ତ ହୋଇଥିବା ପ୍ରଫେସର ଏହି ଅଧିକ ଛାତ୍ରଛାତ୍ରୀଙ୍କୁ ପଢ଼ାଇବାରେ ମଧ୍ୟ ସମର୍ଥ ହେବେ ବୋଲି ଡାକ୍ତର ବିଶ୍ବାଳ ଜଣାଇଛନ୍ତି । ତେବେ ୧୨୫ ଜଣ ଛାତ୍ରଛାତ୍ରୀଙ୍କ ନାମଲେଖା ପ୍ରକ୍ରିୟା ସରିବା ପରେ ଯଦି କୌଣସି ଅସୁବିଧା ଦେଖା ଦିଏ, ତାର ସମାଧାନ ପାଇଁ ସରକାର ଉପଯୁକ୍ତ ବ୍ୟବସ୍ଥା ଗ୍ରହଣ କରିବେ ବୋଲି ସେ ଆଶା ପୋଷଣ କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
