କୋରାପୁଟ: ମେକଡ଼ା ମାଟି ଅତଡା ଖସି ଶ୍ରମିକ ମୃତ୍ୟୁ ଘଟଣାରେ ଠିକାଦାର ଓ ବ୍ଲକ ଯନ୍ତ୍ରୀଙ୍କୁ ପୋଲିସ ଆଜି ଅଟକ ରଖିଛି । ଏହାକୁ ବିରୋଧ କରି ଜନ ଅସନ୍ତୋଷ ଦେଖାଦେଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ପୋଲିସ ଅଟକ ରଖିଥିବା ଯନ୍ତ୍ରୀ ଓ ଦୁଇଜଣ ଠିକାଦାରଙ୍କୁ ସ୍ବାସ୍ଥ୍ୟ ପରୀକ୍ଷା କରିବା ପାଇଁ ଡାକ୍ତରଖାନାକୁ ଆଣିଥିଲା । ସେଠାରେ ଗ୍ରାମବାସୀ ତୀବ୍ର ବିରୋଧ କରିଥିଲେ । ଏହା ସହ ବ୍ଲକର ବିଡ଼ିଓଙ୍କ ସମେତ ସମସ୍ତ କର୍ମଚାରୀ କଲମଛାଡ଼ ଆନ୍ଦୋଳନ ଆରମ୍ଭ କରିଛନ୍ତି ।
ପୋଲିସ ସୂଚନା ଅନୁସାରେ, ସେହି ସ୍ଥାନରେ ବିନା ୱାର୍କ ଅର୍ଡରରେ ମାଟି କାମ ଚାଲିଥିଲା । ମାଟି ଧସିଯିବା କାରଣରୁ ଦୁଇଜଣ ବ୍ୟକ୍ତିଙ୍କ ମୃତ୍ୟୁ ଘଟିଥିଲା । ତେଣୁ ଯନ୍ତ୍ରୀ ଓ ଦୁଇଜଣ ଠିକାଦାରଙ୍କୁ ଅଟକ ରଖି ପଚରାଉଚୁରା କରୁଥିବା ପୋଲିସ ଜଣାଇଛି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
