କୋରାପୁଟ: ବୁଧବାର କୋରାପୁଟ ଜିଲ୍ଲା ସଦର ମହକୁମାର ପୂଜାରୀପୁଟରେ ଜଣେ ବ୍ୟକ୍ତିଙ୍କ ଠାରେ କୋରୋନା ପଜିଟିଭ ଚିହ୍ନଟ ହୋଇଛି । ଏହା ପରେ ତାଙ୍କୁ ଜୟପୁରସ୍ଥିତ କୋଭିଡ ହସ୍ପିଟାଲକୁ ପଠାଇଦିଆଯାଇଛି । ତେବେ ପୂଜାରୀପୁଟ ଠାରୁ ଷ୍ଟାଡ଼ିୟମ ପର୍ଯ୍ୟନ୍ତ ରାସ୍ତା ଓ ତତ୍ ସଂଲଗ୍ନ ରଣାସାହିକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି ।
କୋରାପୁଟ ଜିଲ୍ଲା ସଦର ମହକୁମା ପହଁଚିଲା କୋରୋନା
ଏହା ଆସନ୍ତା 4 ଦିନ ପର୍ଯ୍ୟନ୍ତ ଲାଗୁ ରହିବ ବୋଲି ଜିଲ୍ଲାପାଳ ମଧୁସୂଦନ ମିଶ୍ର ଜଣାଇଛନ୍ତି । ଚିହ୍ନଟ ହୋଇଥିବା ବ୍ୟକ୍ତି ପଶ୍ଚିମବଙ୍ଗରୁ ଫେରିଥିବା ସେ ଜଣାଇଛନ୍ତି । କୋରାପୁଟ ସହରରେ ଏହା ପ୍ରଥମ ଘଟଣା ହୋଇଥିବା ଯୋଗୁଁ ସାଧାରଣ ଜନତାଙ୍କ ମଧ୍ୟରେ କୋରୋନାକୁ ନେଇ ଭୟ ସୃଷ୍ଟି ହୋଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
