କୋରାପୁଟ: ଦେଶସେବା ପାଇଁ କୌଣସି ବୟସ ସୀମା ନଥାଏ । ଥାଏ କେବଳ ନିଜ ମାଟିର ସୁରକ୍ଷା କରିବାର ଇଚ୍ଛା ଶକ୍ତି । ଯେମିତି ଏହି ମହାମାରୀ ସଙ୍କଟ ଘଡିରେ କୋରୋପୁଟର ସରକାରୀ ମହାବିଦ୍ୟାଳୟରେ ପାଠପଢୁଥିବା ଏନସିସି କ୍ୟାଡେଟ ଓ ସିଭିଲ ଡିଫେନ୍ସରେ ସ୍ବେଚ୍ଛାସେବୀ ବାଳକମାନେ କରୁଛନ୍ତି । ବୟସ 15ରୁ 17 ମଧ୍ୟରେ ହେବ କୋରୋନା ଲଢେଇରେ ସାଜିଛନ୍ତି ଏମାନେ ଗୋଟିଏ ଗୋଟିଏ ଯୋଦ୍ଧା ।
ନିଜ ଜୀବନକୁ ପାଣି ଛଡାଇ ଏମାନେ ଲୋକଙ୍କୁ କରିଛନ୍ତି ଜାଗୃତ। ଭଳି ଆଦିବାସୀ ଅଧ୍ୟୁଷିତ ଅଞ୍ଚଳରେ କୋରୋନା ସଂକ୍ରମଣ ଉପରେ ସଚେତନ କରିବା ସହ ସାମାଜିକ ଦୂରତା ଅବଲମ୍ବନ କରିବାକୁ ଦେଉଛନ୍ତି ଶିକ୍ଷା ।
କୋରାପୁଟ ସହରରେ ସର୍ବଦା ବ୍ୟାଙ୍କ କାମ ପାଇଁ ଚଳଚଞ୍ଚଳ ରହିଥାଏ । ଲକଡାଉନ ଯୋଗୁଁ ଏବେ ଅଧିକ ଜନଗହଳି ରହୁଛି । ସେପଟେ ଗାଁ ଗଣ୍ଡାରୁ ଆସୁଥିବା ଶହ ଶହ ଲୋକେ ଆସିବା ଦ୍ବାରା ସାମାଜିକ ଦ୍ବରତା ବଜାୟୀ ରହୁନି । ଏପରି ସ୍ଥିତିରେ ଏନସିସି କ୍ୟାଡେଟର 12 ଜଣ ଓ ସିଭିଲ ଡିଫେନ୍ସର 12 ଜଣ ପିଲା ଏବେ ସିଫ୍ଟ ଅନୁସାରେ ବ୍ୟାଙ୍କ ଭିତରେ ଭିଡ ନିୟନ୍ତ୍ରଣ କରୁଛନ୍ତି ।
ବୃଦ୍ଧବୃଦ୍ଧା ହୁଅନ୍ତୁ ଅବା ଅସହାୟ ବ୍ୟକ୍ତିଙ୍କୁ ତୁରନ୍ତ ସେବା ଯୋଗାଇବାରେ ମଧ୍ୟ ସହଯୋଗ କରୁଛନ୍ତି । ଏହା ସହ ସାମାଜିକ ଦୂରତା ଓ ସାନିଟାଇଜ ବ୍ୟବହାର ଉପରେ ପରାମର୍ଶ ମଧ୍ୟ ଦେଉଛନ୍ତି । ସେପଟେ ପିଲାଙ୍କ ଏଭଳି କାମ ପାଇଁ ବ୍ୟାଙ୍କ କାର୍ଯ୍ୟ ସୁବିଧାଜନକ ହୋଇପାରିଛି ବୋଲି ବ୍ୟାଙ୍କ ଶାଖା ଅଧିକାରୀ କହିଛନ୍ତି। ସେପଟେ ନିଜ ପିଲାଙ୍କ ପ୍ରଶଂସା ନକରି ରହି ପାରିନାହାଁନ୍ତି ସରକାରୀ ଉଚ୍ଚ ବିଦ୍ୟାଳୟ ଏନସିସି ପ୍ରଶିକ୍ଷକ ।
କୋରାପୁଟରୁ ସିଏଚ.ଶାନ୍ତାକାର ଇଟିଭି ଭାରତ
