କୋରାପୁଟ: ଜିଲ୍ଲାର ବିଭିନ୍ନ ଭାଗରେ ଖବରକାଗଜ ବିତରଣ କରୁଥିବା 160 ଜଣ ହକରଙ୍କୁ ମିଳିଲା ସ୍ବତନ୍ତ୍ର ପରିଚୟ । ଆଜି(ମଙ୍ଗଳବାର) ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ଏହି ପରିଚୟ ପତ୍ର ପ୍ରଦାନ କରିଛି । ଅତିରିକ୍ତ ଜିଲ୍ଲାପାଳ ରାଜେନ୍ଦ୍ର ମାଝୀ ହକରମାନଙ୍କୁ ପରିଚୟ ପତ୍ର ପ୍ରଦାନ କରିଛନ୍ତି ।
ଖବରକାଗଜ ବିତରକଙ୍କୁ ମିଳିଲା ପରିଚୟ ପତ୍ର
ଏହି ଅବସରରେ ହକରମାନଙ୍କୁ ଏହି ପରିଚୟ ପତ୍ର ଭବିଷ୍ୟତରେ ସରକାରଙ୍କ ଦ୍ୱାରା ସମ୍ଭାବ୍ୟ ସାମାଜିକ ସୁରକ୍ଷା ଯୋଜନାରେ ସାମିଲ ହେବା ପାଇଁ ସହାୟକ ହୋଇପାରିବ ବୋଲି କହିଛନ୍ତି । ଅପରପକ୍ଷରେ ଅନେକ ବର୍ଷ ଧରି ନନ୍ଦପୁରରେ ହକର କାର୍ଯ୍ୟ କରିଆସୁଥିବା ଦୁର୍ଯ୍ୟୋଧନ ଦୋରା ଏହି ପରିଚୟ ପତ୍ର ସେମାନଙ୍କୁ ସମାଜରେ ଏକ ଉନ୍ନତ ଭାବମୂର୍ତ୍ତି ସୃଷ୍ଟି କରିବାରେ ସହାୟକ ହେବ ବୋଲି କହିଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
