କୋରାପୁଟ: ଜିଲ୍ଲାର ବିଭିନ୍ନ ଜିଲ୍ଲାରୁ ମାଓବାଦୀ ଦମନ ହୋଇଥିଲେ ମଧ୍ୟ ଏବେବି କେତେକ ସ୍ଥାନରେ ସକ୍ରିୟ ଅଛନ୍ତି । ଏନଇ ଜିଲ୍ଲା ଆରକ୍ଷୀ ଅଧିକ୍ଷକ ବରୁଣ ଗୁଣ୍ଟାପଲି ସୂଚନା ଦେଇଛନ୍ତି । ନାରାୟଣପାଟଣା, ବନ୍ଧୁଗାଁ, ନନ୍ଦପୁର, ପଟ୍ଟାଙ୍ଗି ଅଞ୍ଚଳରେ ମାଓବାଦୀଙ୍କ କାର୍ଯ୍ୟକଳାପ ଉପରେ ପୋଲିସ ଅଙ୍କୁଶ ଲଗାଇପାରି ଥିବାବେଳେ ଏ ପର୍ଯ୍ୟନ୍ତ ବୈପାରିଗୁଡା ଓ ଲମତାପୁଟ ବ୍ଲକ ଅଞ୍ଚଳରେ ମାଓବାଦୀ କିଛି ମାତ୍ରାରେ ସକ୍ରିୟ ଥିବା କୋରାପୁଟ ଜିଲ୍ଲା ଆରକ୍ଷୀ ଅଧିକ୍ଷକ ବରୁଣ ଗୁଣ୍ଟାପଲି କହିଛନ୍ତି ।
ଆଜି (ଗୁରୁବାର) ନାରାୟଣପାଟଣା ବ୍ଲକ ଅନ୍ତର୍ଗତ ପାଚିଙ୍ଗ ଓ ବାଲ୍କାପାଇ ଜଙ୍ଗଲ ମଧ୍ୟରେ ମାଟିତଳୁ ପୋଲିସ ଓ ବିଏସଏଫର ମିଳିତ ପ୍ରୟାସରେ କିଛି ଅସ୍ତ୍ରଶସ୍ତ୍ର ଜବତ କରିଥିବା ସୂଚନା ଦେଇଛନ୍ତି ଆରକ୍ଷୀ ଅଧିକ୍ଷକ । ଜବତ କରାଯାଇଥିବା ସମସ୍ତ ମାଓ ଉପକରଣ ବହୁ ପୁରୁଣା ହୋଇଥିବା ସେ କହିଛନ୍ତି । ମାଓବାଦୀଙ୍କ ସମ୍ଭାବ୍ୟ କାର୍ଯ୍ୟକଳାପର ସୂଚନା ପାଇ ହୋଇଥିବା ଏହି ଅଭିଯାନରେ କିଛି ପୁରୁଣା ଓ ବ୍ୟବହାର ଅନୁପଯୋଗୀ ଅସ୍ତ୍ରଶସ୍ତ୍ର ତଥା ତରଳ ଜିଲେଟିନକୁ ମାଟିତଳୁ ଉଦ୍ଧାର କରି ପୋଲିସ ଆଶ୍ବସ୍ତ ହୋଇଥିବା ଜଣାପଡିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
