କୋରାପୁଟ: ଜିଲ୍ଲାର ପୋଲିସ ମୁଖ୍ୟ କାର୍ଯ୍ୟାଳୟ ସଭାଗୃହରେ ନକ୍ସଲ ମୁକାବିଲା ନେଇ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ସଫିନ ଅହମଦଙ୍କ ଅଧକ୍ଷତାରେ ଅନୁଷ୍ଠିତ ଏହି ବୈଠକରେ କେବିକେ ଅଞ୍ଚଳର 6ଟି ଜିଲ୍ଲାର ଆରକ୍ଷୀ ଅଧିକ୍ଷକଙ୍କ ସମେତ କୋବ୍ରା, ବିଏସଫ ଓ ସିଆରପିଫର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।
ମାଓ ମୁକାବିଲା ନେଇ କୋରାପୁଟରେ ଗୁରୁତ୍ୱପୂର୍ଣ୍ଣ ବୈଠକ
କେନ୍ଦ୍ରୀୟ ସଶସ୍ତ୍ର ବାହିନୀ ସହ ଓଡିଶା ପୋଲିସର କିପରି ଭାବେ ସମନ୍ବୟ ରଖା ଯାଇପାରିବ ଓ ମାଓ ଦମନକୁ ଆହୁରି ପ୍ରଭାବଶାଳୀ କରାଯିବ ସେନେଇ ଆଲୋଚନା କରାଯାଇଛି । ଏହାସହ ଗୁଇନ୍ଦା ବିଭାଗକୁ ଅଧିକ ସଜାଗ କରିବା ଉପରେ ମଧ୍ୟ ଗୁରୁତ୍ବ ଦିଆଯାଇଥିଲା ।
ଏହା ସହିତ ମାଓ ଇଲାକାରେ ବିକାଶର ଧାରା କିପରି ତ୍ବରାନ୍ବିତ କରାଯିବ ସେ ନେଇ ବିଶେଷ ଭାବେ ଆଲୋଚନା କରାଯାଇଥିଲା ବୋଲି ଡିଆଇଜି ଅହମଦ ପ୍ରକାଶ କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
