କୋରାପୁଟ: ବିପୁଳ ପରିମାଣର ବିସ୍ଫୋରକ ଜବତ କଲା ବିଏସଏଫ । ନାରାୟଣପାଟଣା ବ୍ଲକ ଅନ୍ତର୍ଗତ ପିଣ୍ଢାମାଳି -ଭିତରଗଡା ଜଙ୍ଗଲରେ ସର୍ଚ୍ଚ ଅପରେସନ ଚାଲିଥିବା ବେଳେ ମାଓବାଦୀଙ୍କ ଦ୍ବାରା ବ୍ୟବହୃତ ହେଉଥିବା ଏହି ସମସ୍ତ ବିସ୍ଫୋରକ ସାମଗ୍ରୀ ଉଦ୍ଧାର ହୋଇଛି ।
ଏହି ବିସ୍ଫୋରଜ ସାମଗ୍ରୀ ମଧ୍ୟରେ 60 ଟି ଜିଲେଟିନ , 50 ଟି ଡେଟୋନେଟର , ଧଳା ବିସ୍ଫୋରକ ପାଉଡର ଓ ଲମ୍ବା ତାର ରହିଥିବା ସୂଚନା ମିଳିଛି ।
ଗତ କିଛି ଦିନ ହେବ ଏହି ଅଞ୍ଚଳରେ ମାଓବାଦୀଙ୍କ କାର୍ଯ୍ୟକଳାପ ଏକ ପ୍ରକାର ଠପ ହୋଇଯାଇଛି। ଆଜିର ଏହି ବିସ୍ଫୋରଜ ସାମଗ୍ରୀକୁ ନେଇ ମାଓବାଦୀଙ୍କ କି ଯୋଜନା ଥିଲା ସେନେଇ ଚିନ୍ତା ବଢ଼ିଛି ।
କୋରାପୁଟରୁ ସି. ଏଚ୍. ଶାନ୍ତାକାର, ଇଟିଭି ଭାରତ
