କୋରାପୁଟ: ଗଞ୍ଜେଇ ସହ ପିସ୍ତଲ ଜବତ କଲା ପୋଲିସ । ଜୟପୁର ସଦର ପୋଲିସ 1244 କିଲୋ ଗଞ୍ଜେଇ ସହ ଦୁଇ ଜଣଙ୍କୁ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ସୂଚନାଅନୁଯାୟୀ କୋରାପୁଟ ଜିଲ୍ଲା ଜୟପୁର ସହରରୁ ଗଞ୍ଜେଇ ଚୋରାଚାଲାଣବେଳେ ଏକ ପିକଅପ ଭ୍ୟାନକୁ ଜବତ କରିଛି ପୋଲିସ । ପୋଲିସ ସେଠାରୁ 1244 କିଲୋ ଗଞ୍ଜେଇ ସହ ଗୋଟିଏ ପିସ୍ତଲ, ତିନୋଟି ମୋବାଇଲ ଫୋନ ଏବଂ ସେମାନେ ବ୍ୟବହାର କରିଥିବା ପିକଅପ ଭ୍ୟାନକୁ ଜବତ କରିଛି । ଏହି ପିକଅପରେ ଥିବା ଅନ୍ୟମାନେ ଚମ୍ପଟ ମାରିଥିବାବେଳେ ଦୁଇ ଜଣଙ୍କୁ ଗିରଫ କରିଛି ପୋଲିସ ।
ଜିଲ୍ଲାରେ ଦିନକୁ ଦିନ ଗଞ୍ଜେଇ ଚୋରାଚାଲାଣ ବୃଦ୍ଧି ପାଉଥିବାବେଳେ ଜିଲ୍ଲାରେ ଏ ଯାବତ ଅନେକ ଗଞ୍ଜେଇ ଚୋରାଚାଲାଣ କରୁଥିବା ବ୍ୟକ୍ତିଙ୍କୁ ଗିରଫ କରାଯାଇଛି । ଆଜିର ଘଟଣାରେ ଅଭିଯୁକ୍ତ ଠାରୁ ପିସ୍ତଲ ମିଳିବା ଚିନ୍ତାର ବିଷୟ ପାଲଟିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
