କୋରାପୁଟ: ଶେଷ ପର୍ଯ୍ୟାୟରେ ଶାବର ଶ୍ରୀକ୍ଷେତ୍ରର ରଥରେ ଅବସ୍ଥାନ କରିବାକୁ ଥିବା ପାର୍ଶ୍ଵ ଦେବତାଙ୍କ ପ୍ରତିମୂର୍ତ୍ତି ନିର୍ମାଣ କାର୍ଯ୍ୟ। ବର୍ତ୍ତମାନ ତିନି ଠାକୁର ମୁଖ୍ୟ ମନ୍ଦିରରେ ଆଦିବାସୀ ସେବକଙ୍କ ଦ୍ୱାରା ସେବା ପାଉଛନ୍ତି । ଏହି ସମୟରେ ସାଧାରଣ ଭକ୍ତଜନ ମୁଖ୍ୟ ମନ୍ଦିରର ମୁଖଶାଳାରେ ପଟି ଦିଅଁଙ୍କ ଦର୍ଶନ କରୁଛନ୍ତି ।
ଅନ୍ୟପଟେ ତିନିରଥରେ ଶୋଭା ବଢାଇବା ପାଇଁ ଥିବା ପାର୍ଶ୍ଵ ଦେବତା, ଅଶ୍ୱ ଓ ସାରଥିଙ୍କ ନିର୍ମାଣ କାର୍ଯ୍ୟ ଶ୍ରୀଗୁଣ୍ଡିଚା ଯାତ୍ରାକୁ ଆଖି ଆଗରେ ରଖି ଜୋରସୋରରେ ଚାଲିଥିବା ମନ୍ଦିରର ଶିଳ୍ପୀ ଖଗେଶ୍ୱର ବେହେରା କହିଛନ୍ତି ।
ଘୋଡା ଓ ସାରଥିଙ୍କ କାର୍ଯ୍ୟ ରଘୁରାଜପୁରର ଶିଳ୍ପୀ କରିଥିବା ବେଳେ ରଥର ପାର୍ଶ୍ଵ ଦେବତାଙ୍କ ପ୍ରତିମୂର୍ତ୍ତି ନିର୍ମାଣ କାର୍ଯ୍ୟ ଛତିଶଗଡ଼ର ଶିଳ୍ପୀ ସମ୍ପନ୍ନ କରୁଛନ୍ତି । ତେବେ ଜଗନ୍ନାଥ ମନ୍ଦିର ପରିସର ମଧ୍ୟରେ କଦମ୍ବ ବୃକ୍ଷ ତଳେ ଛତିଶଗଡ଼ର ଶିଳ୍ପୀଙ୍କ ଦ୍ୱାରା ଚାଲିଥିବା ରାଧାକୃଷ୍ଣଙ୍କ ମୂର୍ତ୍ତି ନିର୍ମାଣ ସମସ୍ତଙ୍କୁ ଆକର୍ଷିତ କରିଛି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
