କୋରାପୁଟ: ଜାତୀୟ ପତାକାକୁ ଅସମ୍ମାନ ଅଭିଯୋଗ। ଗୋଟେ ପଟେ ପତକା ଉତ୍ତୋଳନ ସରିବା ପରେ ତଳେ ପଡିରହିଲା ପତାକା । ଅନ୍ୟପଟେ ସନ୍ଧ୍ୟା ପରେ ବି ଖୋଲା ହେଲାନି ତ୍ରିରଙ୍ଗା । ଏଭଳି ଦୃଶ୍ୟ ହେଉଛି କୋରାପୁଟ ଜିଲ୍ଲା ଦଶମନ୍ତପୁର ବ୍ଲକର ମରିଚମାଳ ଗାଁରେ । ଗୋଟିଏ ଗାଁରେ ଜାତୀୟ ପତାକାକୁ ଭିନ୍ନ ଭିନ୍ନ ଅବ୍ୟବହାର ହୋଇଥିବା ବୁଦ୍ଧିଜୀବୀଙ୍କ ମହଲରୁ ଅଭିଯୋଗ ଆସିଛି ।
ଗୁରୁବାର ସ୍ବାଧୀନତା ଦିବସ ପାଳନ ଅବସରରେ ଗାଁରେ ଥିବା ଅଙ୍ଗନବାଡି କେନ୍ଦ୍ର ଏବଂ ବିଦ୍ୟାଳୟରେ ସକାଳେ ପତାକା ଉତ୍ତୋଳନ କରାଯାଇଥିଲା । ସନ୍ଧ୍ୟାରେ ଜାତୀୟ ପତକାକୁ ସସମ୍ମାନେ ଅବତରଣ କରାଇବା ପାଇଁ ଅଙ୍ଗନବାଡି ଦିଦିଙ୍କୁ ନିର୍ଦ୍ଦେଶ ଦିଆଯାଇଥିଲା । ହେଲେ ଏଠାରେ ଅସହାୟର ଚିହ୍ନ ଦେଖିବାକୁ ମିଳିଥିଲା । ଛୋଟ ପିଲାମାଙ୍କୁ କୁହାଯାଇଥିଲା ଖୁଣ୍ଟରୁ ପତାକା କାଢିବା ପାଇଁ । କିନ୍ତୁ ପିଲାଏ ପତକା ଖୁଣ୍ଟର ଓଜନ ସମ୍ଭାଳି ନପାରିବାରୁ ଖୁଣ୍ଟକୁ ତଳେ ପକାଇ ଦେଇଥିଲେ । ଯଦିଓ ଅଙ୍ଗନବାଡି ଦିଦି ପତାକା ଖୁଣ୍ଟଟିକୁ ସମ୍ଭାଳି ନେଇଥିଲେ ।
ଅପରପକ୍ଷରେ ସେହି ଗାଁର ପ୍ରାଥମିକ ବିଦ୍ୟାଳୟରେ ପତକା ଖୁଣ୍ଟରୁ ଅଧାଅଧି ଖସି ଆସିଥିଲେ ହେଁ ନା ବିଦ୍ୟାଳୟ ଶିକ୍ଷକ ପତାକାକୁ ଓହ୍ଲାଇ ଆଣିଥିଲେ । ନା ବିଦ୍ୟାଳୟର ପରିଚାଳନା କମିଟିର ସଦସ୍ୟ ସେଥିପ୍ରତି ଦୃଷ୍ଟି ଦେଇଥିଲେ । ଜାତୀୟ ପତକାକୁ ଉତ୍ତୋଳନ ସମୟରେ ଦେଉଥିବା ସମ୍ମାନ ଓହ୍ଲାଇ ଆଣିଲା ବେଳକୁ ମଧ୍ୟ ଦେବାର ଚେତନା ବୃଦ୍ଧି କରିବାର ଆବଶ୍ୟକତା ରହିଛି ବୋଲି ବୁଦ୍ଧିଜିବି ମହଲରେ ମତ ପ୍ରକାଶ ପାଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
