କୋରାପୁଟ: ଜିଲ୍ଲାରେ ମାଲଗାଡି ଲାଇନଚ୍ୟୁତ ହେବା ଫଳରେ ରେଳ ଚଳାଚଳ ବାଧାପ୍ରାପ୍ତ ହୋଇଛି । କୋରାପୁଟ ଓ ଜୟପୁର ମଧ୍ୟରେ ଥିବା ମାଳିଗୁଡା ରେଳଷ୍ଟେସନ ନିକଟରେ ଏକ ମାଲଗାଡି ଲାଇନଚ୍ୟୁତ ହୋଇଛି । ଫଳରେ କୋରାପୁଟ ଓ ଜଗଦଲପୁର ମଧ୍ୟରେ ରେଳ ଚଳାଚଳରେ ବାଧା ଉପୁଜିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ତେବେ ଏହି ରୁଟରେ ସମସ୍ତ ପାସେଞ୍ଜର ଟ୍ରେନକୁ ଆଜି ପାଇଁ ବାତିଲ କରିଦିଆଯାଇଥିବା କୋରାପୁଟ ଷ୍ଟେସନ ମାଷ୍ଟର ସୂଚନା ଦେଇଛନ୍ତି । ଆଜି ଜଗଦଲପୁର ଯାଉଥିବା ହୀରାଖଣ୍ଡ ଏକ୍ସପ୍ରେସ କୋରାପୁଟ ଠାରେ ଅଟକି ଯାଇଥିଲା । ଯାହା ଆଜି ସନ୍ଧ୍ୟାରେ ଭୁବନେଶ୍ୱର ଅଭିମୁଖେ ଯାତ୍ରା କରିବ । ଘଟଣାସ୍ଥଳକୁ ରିଲିଫ ଟ୍ରେନ ଯାଇଥିବାବେଳେ ଆଜି ସନ୍ଧ୍ୟା ସୁଦ୍ଧା ରେଳ ଚଳାଚଳ ସାମାନ୍ୟ ହେବାର ସମ୍ଭାବନା ରହିଛି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
