କୋରାପୁଟ: ପୁଣି ତେଜିଲା ଦଣ୍ଡକାରଣ୍ୟ ରାଜ୍ୟ ଗଠନ ଦାବି । ଅନେକ ବର୍ଷ ଧରି ଚାଲିଥିବା ଏହି ଆନ୍ଦୋଳନ ପୁଣି ଥରେ ଦାନା ବାନ୍ଧିଛି । କୋରାପୁଟ, ରାୟଗଡା, ନବରଙ୍ଗପୁର ଓ ମାଲକାନଗିରି ଜିଲ୍ଲାକୁ ନେଇ ଦଣ୍ଡକାରଣ୍ୟ ଗଠନ କରିବାକୁ ଦାବି ହୋଇଛି । ଏପରି ଦାବି କୋରାପୁଟିଆ ଜନ ସୁରକ୍ଷା ସଂଘ ପକ୍ଷରୁ କରାଯାଇଛି ।
ଆଜି(ବୁଧବାର) ଅଞ୍ଚଳରେ ଖଣି ଖନନକୁ ବିରୋଧ କରାଯିବାକୁ ହୋଇଥିବା ସାମ୍ବାଦିକ ସମ୍ମିଳନୀରେ ଏପରି ଚେତାବନୀ ସଂଘ ଦେଇଛି । ଏହା ସହ ଖଣି ଖନନକୁ ରୋକିବା ପାଇଁ ସେମାନେ ଆନ୍ଧ୍ର ସହ ମିଶିବାକୁ ପ୍ରସ୍ତୁତ ବୋଲି ମଧ୍ୟ କହିଛନ୍ତି ।
ସୂଚନା ଅନୁଯାୟୀ, କୋରାପୁଟ ପଟ୍ଟାଙ୍ଗି ବ୍ଲକର ସେରୁବନ୍ଧ ପର୍ବତରେ ବକ୍ସାଇଟ ଖନନ କରିବାକୁ ଗ୍ରାମସଭା ଆୟୋଜନ କରାଯାଇଥିଲା । ଏହାକୁ ଏଠାକାର ଲୋକେ ଘୋର ବିରୋଧ କରିଥିଲେ । ତେବେ ପରେ ଖଣି ଖନନ ହେବା ନେଇ ଶୁଣିବାକୁ ମିଳୁଥିବାରୁ ସଂଘ ଏହାକୁ ନିନ୍ଦା କରିଛି ।
ଏହା ସହ ବିରୋଧ ସତ୍ତ୍ବେ ଯଦି ସରକାର ଖଣି ଖନନ କରନ୍ତି ତେବେ ନୂଆ ରାଜ୍ୟ ଗଠନ ପାଇଁ ପ୍ରସ୍ତୁତ ଥିବା ସଂଘ କହିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
