କୋରାପୁଟ: ଜିଲ୍ଲାରେ ଓଡିଶୀ ନୃତ୍ୟର ପ୍ରଚାର, ପ୍ରସାର ସମେତ ଦୁରୁଆ ନୃତ୍ୟ ଭଳି ଲୁପ୍ତ ହୋଇଆସୁଥିବା ପାରମ୍ପରିକ ଲୋକ ସଂସ୍କୃତିର ପୁନରୁଦ୍ଧାର ନିମନ୍ତେ ଛୋଟିଆ ପ୍ରୟାସ । କୋରାପୁଟ ସଂସ୍କୃତି ଭବନଠାରେ ଓଡିଶୀ ନୃତ୍ୟ ଓ ସଙ୍ଗୀତ ପ୍ରଶିକ୍ଷଣ କେନ୍ଦ୍ର ତଥା ଗୁପ୍ତେଶ୍ଵର ନିକଟ ସୋରିଷପଦର ଗ୍ରାମରେ ଦୁରୁଆ ନୃତ୍ୟ ପ୍ରଶିକ୍ଷଣ କେନ୍ଦ୍ର ରବିବାର ଉଦ୍ଘାଟିତ ହୋଇଯାଇଛି ।
ଓଡିଶୀ ଓ ଦୁରୁଆ ନୃତ୍ୟ ପ୍ରଶିକ୍ଷଣ କେନ୍ଦ୍ର ଉଦ୍ଘାଟିତ
ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡିଶା ସଙ୍ଗୀତ ନାଟକ ଏକାଡେମୀ ଦ୍ୱାରା ଆରମ୍ଭ କରାଯାଇଥିବା ଏହି ପ୍ରଶିକ୍ଷଣ କେନ୍ଦ୍ର ଗୁଡିକରେ ଗୁରୁଙ୍କୁ ପାରିଶ୍ରମିକ ଓ ଶିଷ୍ୟଙ୍କୁ ଭତ୍ତା ପ୍ରଦାନ କରାଯିବାର ବ୍ୟବସ୍ଥା ରହିଛି । ପ୍ରତି ସପ୍ତାହରେ ଦୁଇ ଦିନ ଚାଲିବାକୁ ଥିବା ଏହି ପ୍ରଶିକ୍ଷଣ କେନ୍ଦ୍ର ଗୁଡିକର ଉତ୍କୃଷ୍ଟ ପ୍ରଦର୍ଶନ ପାଇଁ ଜିଲ୍ଲା ଖଣିଜ ପାଣ୍ଠିରୁ ମଧ୍ୟ କିଛି ଅର୍ଥ ଯୋଗାଇ ଦିଆଯିବ ବୋଲି ଜିଲ୍ଲାପାଳ ମଧୁସୂଦନ ମିଶ୍ର ଜଣାଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
