କୋରାପୁଟ: ଗୋଟିଏ ଦିନରେ ଜିଲ୍ଲା ପୋଲିସକୁ ଦୁଇ ଦୁଇଟି ସଫଳତା । ରାତି ନ ପାହୁଣୁ ଜିଲ୍ଲାରେ ପୁଣି ଗଞ୍ଜେଇ କାରବାରକୁ ପଣ୍ଡ କଲା ପୋଲିସ । ପଟ୍ଟାଙ୍ଗି ଓ ସେମିଳିଗୁଡା ଜାତୀୟ ରାଜପଥ ଚିରାଗ ଢାବା ନିକଟରୁ 229 କିଲୋଗ୍ରାମର ଗଞ୍ଜେଇ ଜବତ କରିଛି ପୋଲିସ । ଘଟଣାରେ ଜଣେ ଗିରଫ ।
ପଣ୍ଡ ହେଲା ଗଞ୍ଜେଇ ଚାଲାଣ କାରବାର
ସୂଚନାଅନୁସାରେ, ପଟ୍ଟାଙ୍ଗି ଓ ସେମିଳିଗୁଡା ଜାତୀୟ ରାଜପଥ ନିକଟ ଚିରାଗ ଢାବା ନିକଟରେ ଏକ ବୋଲେରୋରୁ 229କିଲୋଗ୍ରାମର ଗଞ୍ଜେଇ ଜବତ କରିଛି ସେମିଳିଗୁଡା ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ ପାଞ୍ଚ ଲକ୍ଷରୁ ଅଧିକ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଏ ଘଟଣାରେ ଜଣଙ୍କୁ ଅଟକ ରଖିବା ସହତି ତଦନ୍ତ ଜାରି ରଖିଛି ପୋଲିସ ।
ପ୍ରକାଶ ଥାଉ କି,ଗୁରୁବାର ରାତିରେ ଜିଲ୍ଲାର ଲମତାପୁଟ ଓ ମାଛକୁଣ୍ଡ ପୋଲିସର ପାଟ୍ରୋଲିଂ ସମୟରେ 4ଲକ୍ଷ ଟଙ୍କାର ଗଞ୍ଜେଇ ଜବତ କରିଥିଲା ପୋଲିସ । ଘଟଣାରେ ଦୁଇଜଣଙ୍କୁ ଅଟକ ରଖି ତଦନ୍ତ ଜାରି ରଖିଛି ।
କୋରୋପୁଟରୁ ସି. ଏଚ.ଶାନ୍ତାକାର,ଇଟିଭି ଭାରତ
