ରାଜ୍ୟ ରାଜନୀତିରେ କାମିଆ ଝଡ଼: ଭାବାବେଗ ସହ ନ ଖେଳିବା ଉଚିତ୍ କହିଲେ ଧର୍ମେନ୍ଦ୍ର

Kamiya Jani Beef Controversy: କାମିଆ ଜାନି ବିବାଦ ପ୍ରସଙ୍ଗରେ ଧର୍ମେନ୍ଦ୍ରଙ୍କ ପ୍ରତିକ୍ରିୟା । କହିଲେ ଓଡ଼ିଆଙ୍କ ଭାବାବେଗ ସହ ଖେଳିବା ଅନୁଚିତ୍ । ଅଧିକ ପଢନ୍ତୁ

ଭୁବନେଶ୍ବର: ୟୁଟ୍ୟୁବର କାମିଆ ଜାନିଙ୍କ ଜଗା ଦର୍ଶନକୁ ନେଇ ରାଜ୍ୟ ରାଜନୀତିରେ ତେଜୁଛି ବିବାଦ । ଗୋମାଂସ ଭକ୍ଷଣ କରିଥିବା ମହିଳାଙ୍କୁ ଶ୍ରୀମନ୍ଦିରରେ ପ୍ରବେଶ କରାଇ ଭି.କେ. ପାଣ୍ଡିଆନ ଅପରାଧ କରିଛନ୍ତି ଏବଂ ଏଥିପାଇଁ ଦୁହିଁଙ୍କୁ ଗିରଫ କରାଯାଉ ବୋଲି ଦାବି କରୁଛି ବିଜେପି । ଏବେ ଏହି ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ 5T ଅଧ୍ୟକ୍ଷ ପାଣ୍ଡିଆନକୁ ଘେରିଛନ୍ତି । କେନ୍ଦ୍ରମନ୍ତ୍ରୀ କାହାର ନାଁ ନନେଇ କହିଛନ୍ତି, ''ସବୁ ଓଡ଼ିଆ ଓ ସନାତନ ଧର୍ମୀଙ୍କ ପାଇଁ ଜଗନ୍ନାଥ ଅତ୍ୟନ୍ତ ଶ୍ରଦ୍ଧାର କେନ୍ଦ୍ର । ଜନ ଭାବନାକୁ ଆଘାତ କଲାଭଳି କାମ କେହି ନକରିବା ଉଚିତ୍ । ଜାଣତରେ ଅବା ଅଜାଣତରେ ଓଡ଼ିଆଙ୍କ ଭାବାବେଗ ସହ ନଖେଳିଲେ ଭଲ । ମହାପ୍ରଭୁଙ୍କ ପ୍ରତି ଥିବା ଆସ୍ଥା ଓ ଭାବାବେଗକୁ ସମସ୍ତେ ସମ୍ମାନ ଦେବା ଉଚିତ୍ ।''

• पुरी श्रीमंदिर में पवित्रता का उल्लंघन बेहद परेशान करने वाला है।
  वीके पांडियन द्वारा प्रतिष्ठित जगन्नाथ मंदिर के भीतर एक बीफ प्रमोटर को अनुमति देना धर्म,इतिहास और आध्यात्मिकता की उपेक्षा है।
  जिम्मेदार लोगों के लिए त्वरित और गंभीर करवाई अति आवश्यक हैं। pic.twitter.com/PEhC4Syb6U

  — Shandilya Giriraj Singh (@girirajsinghbjp) December 23, 2023 " class="align-text-top noRightClick twitterSection" data="

  पुरी श्रीमंदिर में पवित्रता का उल्लंघन बेहद परेशान करने वाला है।
  वीके पांडियन द्वारा प्रतिष्ठित जगन्नाथ मंदिर के भीतर एक बीफ प्रमोटर को अनुमति देना धर्म,इतिहास और आध्यात्मिकता की उपेक्षा है।
  जिम्मेदार लोगों के लिए त्वरित और गंभीर करवाई अति आवश्यक हैं। pic.twitter.com/PEhC4Syb6U

  — Shandilya Giriraj Singh (@girirajsinghbjp) December 23, 2023

  ">

  पुरी श्रीमंदिर में पवित्रता का उल्लंघन बेहद परेशान करने वाला है।
  वीके पांडियन द्वारा प्रतिष्ठित जगन्नाथ मंदिर के भीतर एक बीफ प्रमोटर को अनुमति देना धर्म,इतिहास और आध्यात्मिकता की उपेक्षा है।
  जिम्मेदार लोगों के लिए त्वरित और गंभीर करवाई अति आवश्यक हैं। pic.twitter.com/PEhC4Syb6U

  — Shandilya Giriraj Singh (@girirajsinghbjp) December 23, 2023

କେନ୍ଦ୍ରମନ୍ତ୍ରୀ ଗିରିରାଜ ସିଂହ ମଧ୍ୟ ଏହି ବିବାଦରେ ପ୍ରତିକ୍ରିୟା ଦେଇଛନ୍ତି । ସେ ଏକ୍ସରେ ଶ୍ରୀମନ୍ଦିର ପବିତ୍ରତା ନଷ୍ଟ କରିଥିବା ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି । କେନ୍ଦ୍ରମନ୍ତ୍ରୀ ଗିରିରାଜ କହିଛନ୍ତି ଯେ, ପୁରୀ ଶ୍ରୀମନ୍ଦିରରେ ପବିତ୍ରତା ଉଲ୍ଲଘଂନ ଖୁବ୍ ଚିନ୍ତାର ବିଷୟ । ଭି.କେ. ପାଣ୍ଡିଆନଙ୍କ ଦ୍ବାରା ଜଣେ ଗୋମାଂସ ପ୍ରମୋଟରଙ୍କୁ ଶ୍ରୀମନ୍ଦିର ଭିତରେ ପ୍ରବେଶ ଅନୁମତି ଦିଆଯିବା ଧର୍ମ, ଇତିହାସ ଓ ଆଧ୍ୟାତ୍ମିକତା ପ୍ରତି ଉପେକ୍ଷା । ଏଥିପାଇଁ ଦାୟୀ ଲୋକଙ୍କ ବିରୋଧରେ ତ୍ବରିତ ଏବଂ ଦୃଢ କାର୍ଯ୍ୟାନୁଷ୍ଠାନ ନିହାତି ଜରୁରୀ ।

ଏଠାରେ ଉଲ୍ଲେଖଯୋଗ୍ୟ ଯେ, କିଛି ଦିନ ତଳେ ୟୁଟ୍ୟୁବର ବ୍ଲଗର କାମିଆ ଜାନି ପୁରୀ ଆସିଥିଲେ । 5T ଅଧ୍ୟକ୍ଷ ଭି.କେ. ପାଣ୍ଡିଆନ ତାଙ୍କୁ ଶ୍ରୀମନ୍ଦିର ପରିଦର୍ଶନ କରାଇବା ସହ ଅବଢା ଖୁଆଇଥିଲେ । ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଏବଂ ଜଗନ୍ନାଥ ସଂସ୍କୃତି ସମ୍ପର୍କରେ ମଧ୍ୟ କାମିୟାଙ୍କୁ ଇଣ୍ଟରଭ୍ୟୁ ଦେଇଥିଲା ପାଣ୍ଡିଆନ । ଏହାର ଫଟୋ ଭିଡିଓ ସୋସିଆଲ ମିଡିଆ ସାଇଟରେ ଅପଲୋଡ ହେବା ପରେ ରାଜ୍ୟ ରାଜନୀତିରେ ଝଡ଼ ସୃଷ୍ଟି ହୋଇଥିଲା । କାରଣ ବ୍ଲଗର କାମିଆ ଜଣେ ଗୋମାଂସ ଭକ୍ଷଣକାରୀ ହୋଇଥିବା ବିଜେପି ଅଭିଯୋଗ ଆଣିଥିଲା । ଏହାସତ୍ତ୍ବେ ତାଙ୍କୁ ଶ୍ରୀମନ୍ଦିର ଭିତରେ ପ୍ରବେଶ କରାଇବା ନେଇ ବିଜେଡି ନେତା ପାଣ୍ଡିଆନକୁ ଘେରିଥିଲା ବିଜେପି ।

ବିଜେପି କହିଛି ଯେ, ଶ୍ରୀମନ୍ଦିର ନିୟମ ଅନୁସାରେ ଗୋମାଂସ ଖାଉଥିବା ଲୋକ ଶ୍ରୀମନ୍ଦିର ଭିତରକୁ ପ୍ରବେଶ କରିପାରିବ ନାହିଁ । ତେଣୁ ଗୋମାଂସ ଭକ୍ଷଣକାରୀ କାମିଆ ଜାନିଙ୍କୁ ଶ୍ରୀମନ୍ଦିର ଭିତରକୁ ନେଇ ଭି.କେ ପାଣ୍ଡିଆନ ଅପରାଧ କରିଛନ୍ତି । ସେମାନେ ଜଗନ୍ନାଥ ପ୍ରେମୀ ଓ ସନତନୀଙ୍କ ଭାବାବେଗକୁ କୁଠାରଘାତ କରିଛନ୍ତି । ଏହି ଅପରାଧ ପାଇଁ ଦୁହିଁଙ୍କ ବିରୋଧରେ ଆଇପିସିର ଧାନା ୨୯୫ ମାମଲା ରୁଜୁ କରାଯାଉ ବୋଲି ଦାବି କରିଛି ବିଜେପି । ଅନ୍ୟପଟେ କାମିଆ ଜାନି ଯଦିଓ ସୋସିଆଲ ମିଡିଆରେ ପୋଷ୍ଟ କରି ସେ ଗୋମାଂସ ଖାଆନ୍ତି ନାହିଁ ବୋଲି କହିଥିଲେ, ତଥାପି ଏହି ବିବାଦ ଥମିବାର ନାଁ ଧରୁନି । ଏହି ଘଟଣା ଏବେ 5T ଅଧ୍ୟକ୍ଷଙ୍କ ଅଡୁଆ ବଢାଇଛି ।

ଇଟିଭି ଭାରତ, ଭୁବନେଶ୍ବର