ଖୋର୍ଦ୍ଧା: ପ୍ରବାସୀ ବସ ଦୁର୍ଘଟଣାରେ 10 ଯାତ୍ରୀ ଆହତ । ଜାତୀୟ ରାଜପଥ ୧୬ର ଖୋର୍ଦ୍ଧା ନିକଟସ୍ଥ ପିତାପଲି ଛକ ନିକଟରେ ପ୍ରବାସୀ ବସ ଓ ଟ୍ରକ ମଧ୍ୟରେ ଧକ୍କା ହୋଇଥିଲା । ଗତକାଲି(ଗୁରୁବାର) ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି ।
ସୂଚନା ଅନୁଯାୟୀ, ଜାତୀୟ ରାଜପଥ ୧୬ର ଖୋର୍ଦ୍ଧା ନିକଟସ୍ଥ ପିତାପଲି ଛକ ନିକଟରେ ଏକ ଟ୍ରକ ତାମିଲନାଡୁରୁ ଆସୁଥିବା ଏକ ପ୍ରବାସୀ ବସକୁ ପଛରୁ ଧକ୍କା ଦେବା ଫଳରେ ବସରେ ଥିବା ୧୦ ଯାତ୍ରୀ ଆହତ ହୋଇଛନ୍ତି ।
ଛତିଶଗଡ଼ରୁ ତାମିଲନାଡୁ ଯାଉଥିବା ପ୍ରବାସୀ ବସ ଦୁର୍ଘଟଣାଗ୍ରସ୍ତ
ଆହତମାନଙ୍କୁ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇ ଥିବାବେଳେ ସେମାନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ଜଟଣୀ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି। ବସଟି ଛତିଶଗଡ଼ରୁ ତାମିଲନାଡୁ ଯାଉଥିଲା। ପୋଲିସ ଅନ୍ୟ ଏକ ବସରେ ଯାତ୍ରୀଙ୍କୁ ପଠାଇବାର ବ୍ୟବସ୍ଥା କରୁଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
