ଖୋର୍ଦ୍ଧା : ବାଟ ହୁଡାଇଲା ଘନ କୁହୁଡି । ଖୋର୍ଦ୍ଧା ବେଗୁନିଆ ଅଞ୍ଚଳରେ ଘନ କୁହୁଡି ଯୋଗୁଁ ଏକ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ବାଘମାରୀ ନିକଟସ୍ଥ ଏକତାଳ ପୋଖରୀ ନିକଟରେ ଏକ ଡଷ୍ଟ ବୋଝେଇ ଟ୍ରକ ପାଣି ଭିତରେ ପଶି ଯାଇଥିବା ଦେଖିବାକୁ ମିଳିଛି ।
ରାସ୍ତାରେ ପ୍ରବଳ କୁହୁଡି ଭରି ରହିଥିବାରୁ ଏଭଳି ଘଟିଥିବା କୁହାଯାଉଛି । ବର୍ତ୍ତମାନ ଜେସିବି ସହାୟତାରେ ପୋଖରୀରେ ଡଷ୍ଟ ପକାଇ ଟ୍ରକଟିକୁ ଉଦ୍ଧାର କରାଯାଇଛି ।
ଘନ କୁହୁଡି ଯୋଗୁଁ ଟ୍ରକ ଦୁର୍ଘଟଣା
ଏହି ଦୁର୍ଘଟଣାରେ ଟ୍ରକ ଡ୍ରାଇଭରର କିଛି କ୍ଷତି ହୋଇନାହିଁ । ତେବେ ସାରା ରାଜ୍ୟରେ ପ୍ରବଳ କୁହୁଡି ଲାଗି ରହିବା ଫଳରେ ରାସ୍ତାରେ ମଧ୍ୟ ଗାଡିମଟର ଯିବା ଆସିବାରେ ଅନେକ ଅସୁବିଧା ଦେଖାଯାଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
