ଭୁବନେଶ୍ବର: ଦଲାଲଙ୍କ ଉପରେ ପ୍ରଶାସନର ଦୃଢ କାର୍ଯ୍ୟାନୁଷ୍ଠାନ । ହସ୍ପିଟାଲ ଓ ଆରଟିଓ ପରିସରରେ ଦଲାଲଙ୍କ ଉପରେ ରହିଛି କଡା ନଜର । ହସ୍ପିଟାଲରେ ରୋଗୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଉ ଅଥବା ଆରଟିଓର କାଗଜପତ୍ର ବାହାନାରେ ଠକେଇ । ସମସ୍ତ ଦଲାଲଙ୍କୁ ଗିରଫ କରିବାରେ ଲାଗିଛି ପୋଲିସ । ପ୍ରଥମ ଦିନର କାର୍ଯ୍ୟାନୁଷ୍ଠାନରେ 30ଜଣ ଗିରଫ ହେବା ପରେ ଦ୍ବିତୀୟ ଦିନରେ 100 ଟପିଲାଣି ଗିରଫଦାରୀ ।
ବାଲେଶ୍ବର, ବାରିପଦା ଆରଟିଓରୁ 3 ଜଣ ଗିରଫ ହେବା ପରେ ଅନୁଗୋଳ ଆରଟିଓ ଓ ହସ୍ପିଟାଲରୁ 6 ଜଣକୁ ଗିରଫ ହୋଇଛନ୍ତି। ସେହିପରି ଭବାନୀପାଟଣା, ଜଗତସିଂହପୁର ଆରଟିଓରୁ 2, କେନ୍ଦୁଝରରୁ 4 ଜଣଙ୍କୁ ପୋଲିସ ଗିରଫ କରିଥିବା ନେଇ ଡିଜି ସୂଚନା ଦେଇଛନ୍ତି ।
ଅନ୍ୟପଟେ, ଏଭଳି କାର୍ଯ୍ୟାନୁଷ୍ଠାନକୁ ନେଇ ହସ୍ପିଟାଲ ଦଲାଲଙ୍କ ଭିତରେ ଏକ ଛନକା ପସିଛି । ତେବେ ଆଗକୁ 'ମୋ ଯୋଜନା ଲାଗୁ' କରିବା ପୂର୍ବରୁ ସରକାର ଏପରି ସ୍ବଚ୍ଛତାର ପ୍ରମାଣ ଦେଉଛନ୍ତି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
