ଖୋର୍ଦ୍ଧା: ଲକଡାଉନରେ ବୃଦ୍ଧି ପାଇଛି ଚୋରା ମାଙ୍କଡ଼ା ଖଣି । ଟାଙ୍ଗରା ଭୂଇଁକୁ ପଥର ମାଫିଆ ମାନେ ବେଆଇନ ଭାବେ ପଥର କାଟି ଲୁଟି ନେଉଛନ୍ତି କୋଟି କୋଟି ଟଙ୍କା ମୂଲ୍ୟର ମାଙ୍କଡ଼ା ପଥର । ଚୋରା ଚାଲାଣ ରୋକିବାକୁ ଓ ପଥର ମାଫିଆଙ୍କୁ ଧରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଚଢାଉ ଜାରି ରହିଛି ।
ବେଗୁନିଆ ତହସିଲ ପକ୍ଷରୁ 3 ଟି ବେଆଇନ ମାଙ୍କଡା ବୋଝେଇ ଗାଡି ଜବତ
ବେଆଇନ ଖଣିରେ ରୀତିମତ ଚଢ଼ାଉ କରାଯିବା ସହ ମଙ୍ଗଳବାର ଟାଙ୍ଗି ତହସିଲ ଏବଂ ବେଗୁନିଆ ତହସିଲ ପକ୍ଷରୁ ବିଭିନ୍ନ ଖଣିରେ ଚଢ଼ାଉ କରାଯାଇଛି । ସେପଟେ ତହସିଲ ପକ୍ଷରୁ ଚଢ଼ାଉ କରି ଦୁଇଟି ବେଆଇନ ମାଙ୍କଡ଼ା ବୋଝେଇ ମିନିଟ୍ରକ ଓ ଗୋଟିଏ ଟ୍ରାକ୍ଟରକୁ ଜବତ କରିଛନ୍ତି । ଆଗକୁ ଏହିଭଳି ବେଆଇନ ଖଣିରେ ଚଢ଼ାଉ ଜାରି ରହିବ ବୋଲି ଖୋର୍ଦ୍ଧା ଉପଜିଲ୍ଲାପାଳ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
