ଖୋର୍ଦ୍ଧା: ଜଙ୍ଗଲ ଛାଡି ଜନବସତି ମୁଁହା ବଣୁଆ ହାତୀ । ଖାଦ୍ୟ ଅନ୍ବେଷଣରେ ହାତୀପଲ ଜନବସତିରେ ପଶି କେତେବେଳେ ଫସଲ ଉଜାଡୁଛନ୍ତି ତ ଆଉ କେତେବେଳେ ମଣିଷକୁ ଆକ୍ରମଣ । ସେହିପରି ବୁଧବାର ରାତିରେ ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଗୋଡା ଗ୍ରାମରେ ହାତୀ ଆକ୍ରମଣରେ ଜଣେ ଯୁବକ ଗୁରୁତର ହୋଇଛନ୍ତି ।
ହାତୀ ଆକ୍ରମଣରେ ଯୁବକ ଗୁରୁତର
ଆହତ ଯୁବକ ଜଣକ ଗୋଡା ଗ୍ରାମର ପପୁ ପରିଡା । ସୂଚନାନୁଯାୟୀ, ପପୁ ଘରବାଡି ପଟକୁ ପରିସ୍ରା ପାଇଁ ଯାଇଥିବା ବେଳେ ହାତୀ ସହିତ ମୁହାଁମୁହିଁ ହୋଇଥିଲେ । ଫଳରେ ହାତୀଟି ପପୁଙ୍କୁ ଶୁଣ୍ଢରେ ଟେକି ଫୋପାଡି ଦେଇଥିଲା । ପପୁଙ୍କୁ ଗୁରୁତର ଅବସ୍ଥାରେ ପ୍ରଥମେ ଖୋର୍ଦ୍ଧା ଡାକ୍ତରଖାନା ଓ ପରେ ଭୁବନେଶ୍ବରକୁ ସ୍ଥାନାନ୍ତର କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
