ଖୋର୍ଦ୍ଧା: ଟୋକିଓ ଅଲମ୍ପିକ୍ସରେ ଐତିହାସିକ ବିଜୟ ହାସଲ କରିଛି ଭାରତୀୟ ପୁରୁଷ ହକି ଟିମ୍ । ଜର୍ମାନୀକୁ ହରାଇ ଟିମ୍ ବ୍ରୋଞ୍ଜ ପଦକ ହାତେଇଛି । ଦୀର୍ଘ 41 ବର୍ଷ ପରେ ଭାରତୀୟ ହକି ଟିମର ଏହି ସଫଳତା ପାଇଁ ସବୁ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଏହି ପରିପ୍ରେକ୍ଷୀରେ ଖୋର୍ଦ୍ଧା ସିଗମା ପବ୍ଲିକ ସ୍କୁଲ ପକ୍ଷରୁ ଏହି ବିଜୟୀ ଟିମକୁ ଅଭିନନ୍ଦନ ଜଣାଯାଇଛି ।
ବିଜୟୀ ହକି ଟିମକୁ ଅଭିନନ୍ଦନ ଜଣାଇଲେ ଛାତ୍ରଛାତ୍ରୀ
ସ୍କୁଲର ଅଧ୍ୟକ୍ଷା ମମତାଞ୍ଜଳି ପଟ୍ଟନାୟକଙ୍କ ନେତୃତ୍ବରେ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ କୋଭିଡ ନିୟମ ପାଳନ କରି ଭାରତର ଐତିହାସିକ ବିଜୟକୁ ମନାଇଛନ୍ତି । ଅଭିନନ୍ଦନ ବ୍ୟାନର ଧରି ଛାତ୍ରଛାତ୍ରୀ ଭାରତୀୟ ପୁରୁଷ ହକି ଟିମକୁ ଚିୟର୍ସ ଜଣାଇଥିବା ଦେଖାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
