ସୁନ୍ଦରଗଡ : ରାଜ୍ୟରେ ଖୋଲିଲା ସମସ୍ତ ସ୍କୁଲଓ କଲେଜ । ସେହିକ୍ରମରେ, ସୁନ୍ଦରଗଡ ଜିଲ୍ଲାରେ ମଧ୍ୟ ଦଶମ ଓ ଦ୍ବାଦଶ ଶ୍ରେଣୀ ଖୋଲିଛି । ଏନେଇ ବିଦ୍ୟାଳୟ ଓ ମହାବିଦ୍ୟାଳୟର କତ୍ତୃପକ୍ଷମାନେ ସ୍କୁଲରେ ସମସ୍ତ ବ୍ୟବସ୍ଥା କରିଛନ୍ତି । ଇକୋ ସିଷ୍ଟମ ବ୍ୟବସ୍ଥା କରାଯାଇ ଆଜି ଜିଲ୍ଲାରେ ଥିବା ସମସ୍ତ ଶିକ୍ଷାନୁଷ୍ଠାନ ଖୋଲି ଥିବା କହିଛନ୍ତି ଜିଲ୍ଲାପାଳ। ତେବେ କୋଭିଡ ଗାଇଡ ଲାଇନ ମଧ୍ୟରେ ପାଠପଢା ଆରମ୍ଭ ହୋଇଛି । ଜିଲ୍ଲାପାଳଙ୍କ ସ୍ବତନ୍ତ୍ର ନିର୍ଦ୍ଦେଶରେ ସ୍କୁଲ ଓ କଲେଜ ଗୁଡିକରେ ଛାତ୍ରଛାତ୍ରୀଙ୍କ ପାଇଁ ସାମାଜିକ ଦୂରତା ରକ୍ଷା କରି ବସିବା ସ୍ଥାନ , ହାତ ଧୋଇବା ପାଇଁ ସ୍ବତନ୍ତ୍ର ବ୍ୟବସ୍ଥା , ସ୍ବତନ୍ତ୍ର ପାଇଖାନ ଇତ୍ୟାଦିର ବ୍ୟବସ୍ଥା କରାଯାଇଛି । ସ୍କୁଲ ମର୍ଜିଂ ( ମିଶ୍ରଣ ) ହେବାପରେ ଆଜି ସୁନ୍ଦରଗଡ ଭବାନୀ ଶଙ୍କର ଉଚ୍ଚ ବିଦ୍ୟାଳୟରେ ପ୍ରଥମ ଥର ପାଇଁ ବାଳିକା ମାନେ ପ୍ରବେଶ କରିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
