ଖୋର୍ଦ୍ଧା: ପଞ୍ଚାୟତ ନିର୍ବାଚନ ପାଇଁ ସରଗରମ ଗାଁ ରାଜନୀତି । ଏହିପରିପ୍ରେକ୍ଷୀରେ ଏକ ଆଶ୍ଚର୍ଯ୍ୟ ଘଟଣା ସାମ୍ନାକୁ ଆସିଛି । ଖୋର୍ଦ୍ଧା ଜିଲ୍ଲାର ଜଣେ ପଞ୍ଚାୟତ ପ୍ରାର୍ଥୀଙ୍କ ପୁଅ ଅପହରଣ ହୋଇଯାଇଥିବା ଅଭିଯୋଗ ହୋଇଛି । ଏନେଇ ପରିବାର ପକ୍ଷରୁ ଥାନାରେ ଏତଲା ଦିଆଯାଇଛି ।
ସରପଞ୍ଚ ପ୍ରାର୍ଥୀଙ୍କ ପୁଅ ନିଖୋଜ, ଥାନାରେ ଏତଲା
ସୂଚନା ଅନୁଯାୟୀ, ଖୋର୍ଦ୍ଧା ଜିଲ୍ଲା ବାଘମାରି ଥାନା ଅନ୍ତର୍ଗତ ପଙ୍ଗାରସିଂହ ପଞ୍ଚାୟତର ସରପଞ୍ଚ ପ୍ରାର୍ଥୀ ନିରୂପମା ମହାପାତ୍ରଙ୍କ ପୁଅ ପ୍ରତାପ ମହାପାତ୍ର ଆଜି(ଗୁରୁବାର) ସକାଳୁ କଉଁଆଡେ ନିଖୋଜ ହୋଇଯାଇଥିବା ନେଇ ବାଘମାରି ଥାନାରେ ଅଭିଯୋଗ କହିଛନ୍ତି । ବର୍ତ୍ତମାନ ନିର୍ବାଚନୀ ଉଷ୍ମତା ଲାଗିରହି ଥିବାବେଳେ ପ୍ରତାପଙ୍କୁ ବିରୋଧୀ ଅପହରଣ କରିଥିବା ଅଭିଯୋଗ କରିଛନ୍ତି ତାଙ୍କ ମାଆ । ସେପଟେ ବାଘମାରି ପୋଲିସ ପ୍ରତାପଙ୍କ ମୋବାଇଲ ଟ୍ରାକ କରି ବିଭିନ୍ନ ସ୍ଥାନରେ ତନ୍ନାଘନା ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
