ଭୁବନେଶ୍ବର: ଚଳିତ ବର୍ଷ ମହାପ୍ରଭୁଙ୍କ ରଥଯାତ୍ରାକୁ ଦୃଷ୍ଟିରେ ରଖି ଅନୁଷ୍ଠିତ ହେଇଯାଇଛି ଆଇନଶୃଙ୍ଖଳା ବୈଠକ । ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମାଙ୍କ ଅଧ୍ୟକ୍ଷତାରେ ବସିଛି ବୈଠକ ।
ଭିଡିଓ ସୌଜନ୍ଯ: ସମ୍ବାଦଦାତା, ଭୁବନେଶ୍ବର
ଜୁଲାଇ 4 ତାରିଖରେ ରଥଯାତ୍ରା ହେବାକୁ ଥିବାବେଳେ ଶ୍ରୀକ୍ଷେତ୍ରରେ କିପରି ସୁରକ୍ଷା ଯୋଗାଇ ଦିଆଯିବ । ଶାନ୍ତି-ଶୃଙ୍ଖଳା କିପରି ବଜାୟ ରଖାଯିବ ଏବଂ ବିଶେଷ କରି ଲକ୍ଷାଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଯେପରି କୌଣସି ଅଘଟଣ ନଘଟେ ତାହାକୁ ଆଲୋଚନାରେ ଗୁରୁତ୍ବ ଦିଆଯାଇଛି ।
ଡ଼ିଜିପିଙ୍କ ସମେତ ଗୁଇନ୍ଦା ନିର୍ଦେଶକ ସୁନିଲ ରାୟ, ଆଇନଶୃଙ୍ଖଳା ଆଇଜି ସଂଜିବ ପଣ୍ଡା, ଆଇଜି ଅରୁଣ ବୋଥ୍ରା , ପୋଲିସ କମିଶନର ସତ୍ଯଜିତ ମହାନ୍ତିଙ୍କ ସହ ବୈଠକରେ କେନ୍ଦ୍ରାଞ୍ଚଳ ଆଇଜି ସୌମେନ୍ଦ୍ର ପ୍ରିୟଦର୍ଶୀ ଓ ଏସପି ଉମାଶଙ୍କର ଦାସ ମଧ୍ୟ ଉପସ୍ଥିତ ରହିଛନ୍ତି ।
ଭୁଭନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
