ଖୋର୍ଦ୍ଧା: ଆଜି ପହିଲି ରଜ । ଓଡିଆ ସଂସ୍କୃତି ପରମ୍ପରା ଓ ଭାଇଚାରାର ପର୍ବ ରଜ । ଯାହାକୁ ନେଇ ଚଳଚଞ୍ଚଳ ଗାଁ ଠୁ ସହର । କୋରୋନା କଟକଣା ଭିତରେ କୁଆଁରୀ ମାନେ ବେଶ ଆନନ୍ଦ ଉଲ୍ଲାସର ସହ ଏହି ପର୍ବକୁ ପାଳନ କରୁଛନ୍ତି । ପହିଲି ରଜରେ କୁମାରୀମାନେ ନୂଆ ଡ୍ରେସ ପିନ୍ଧି ସଜବାଜ ହୋଇ ଦୋଳି ଖେଳିବା ସହ ପୁଚି ଖେଳି ବେଶ ମଜା ଉଠାଉଛନ୍ତି ।
ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ଗେଡ଼ିଆପଲି ଗାଁର ଯୁବତୀମାନେ ଆଜି ପହିଲି ରଜ ପାଳନ କରିଛନ୍ତି । କୋରୋନା କଟକଣାକୁ ମାନି ସାମାଜିକ ଦୂରତା ସହ ଏହି ଗଣ ପର୍ବକୁ ସମସ୍ତେ ଉପଭୋଗ କରିଛନ୍ତି ।
ହାତରେ ମେହେନ୍ଦି, ପାଦରେ ଅଳତା ଏବଂ ନୂଆ ଡ଼୍ରେସ ପିନ୍ଧି ଦୋଳି ଓ ପୁଚି ଖେଳ ଖେଳୁଛନ୍ତି ଗାଁର ଯୁବତୀମାନେ । କେବଳ ଯୁବତୀ ନୁହଁନ୍ତି ଏହି ପର୍ବକୁ ଯୁବକମାନେ ମଧ୍ୟ ତାସ ଖେଳି ବେଶ ଉପଭୋଗ କରୁଥିବା ଦେଖାଦେଇଛି । ଉତ୍ସବ ପାଳନ କରିବାରେ କୋରୋନା କଟକଣା ବାଧକ ସାଜିଥିଲେ ମଧ୍ୟ ସରକାରଙ୍କ ନିୟମ ମାନି ଗାଁ ଗାଁରେ ଏହି ପର୍ବକୁ ବେଶ ଉପଭୋଗ କରୁଛନ୍ତି କୁଆଁରୀ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
