ଖୋର୍ଦ୍ଧା: ଜୁଆ ଆଡ୍ଡା ଉପରେ ଚଢ଼ାଉ । ନଗଦ ଟଙ୍କା ସହ 20 ମଟର ସାଇକେଲ ଜବତ ଓ 5 ଗିରଫ । ତେବେ କୋରୋନା ପାଇଁ ସଭିଙ୍କ ଜୀବନ ଜୀବିକା ଘରେ ତାଲା ପଡିଥିବା ବେଳେ କିଛି ଅସାମାଜିକ ଲୋକ ଜିଲ୍ଲାର ବିଭିନ୍ନ ସ୍ଥାନରେ ଜୁଆ ଆଡ୍ଡା ଜମାଇ ଟଙ୍କା ଖେଳୁଛନ୍ତି ।
ଖୋର୍ଦ୍ଧାରେ ଜୁଆ ଆଡ୍ଡା ଉପରେ ଚଢ଼ାଉ; 20 ମଟର ସାଇକେଲ ସହ 5 ଗିରଫ
ଏନେଇ ଗତକାଲି(ଶୁକ୍ରବାର) ବିଶ୍ବସ୍ତ ସୂତ୍ରରୁ ଖବର ପାଇ ଖୋର୍ଦ୍ଧା SP ରାଜ କିଶୋର ଦୋରାଙ୍କ ନିର୍ଦ୍ଦେଶ କ୍ରମେ ଜଙ୍କିଆ ପୋଲିସର ଏକ ସ୍ବତନ୍ତ୍ର ଟିମ ଟାଙ୍କଳ ନିକଟରେ ଥିବା ସାହାଡ଼ା ଜଙ୍ଗଲ ଭିତରେ ଚାଲୁଥିବା ଏକ ଜୁଆ ଆଡ୍ଡା ଉପରେ ଚଢ଼ାଉ କରିଥିଲେ।
ପୋଲିସ ଚଢ଼ାଉ କରି ୨୦ଟି ବାଇକ, ୭ଟି ସାଇକେଲ, ମୋବାଇଲ ଏବଂ ୫୦ ହଜାରରୁ ଊର୍ଦ୍ଧ୍ବ ଟଙ୍କା ଜବତ କରିବା ସହ ୫ ଜଣ ଜୁଆଡିଙ୍କୁ ଗିରଫ କରିଥିବା ପୋଲିସ ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
