ଭୁବନେଶ୍ବର: ଓପିଏସସି ପରୀକ୍ଷା ଖାତା ଦେଖିବେ ପ୍ରଧ୍ୟାପକ । ଏଥିପାଇଁ ଓପିଏସସି ସଚିବଙ୍କୁ ପ୍ରାଧ୍ୟାପକଙ୍କ ତାଲିକା ଦେବାକୁ ବିଶ୍ଵବିଦ୍ୟାଳୟର କୁଳସଚିବ ଓ ଡିଗ୍ରୀ କଲେଜ ଅଧ୍ୟକ୍ଷଙ୍କୁ ଉଚ୍ଚ ଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି ।
ଉଚ୍ଚ ଶିକ୍ଷା ବିଭାଗର ସୂଚନା ଅନୁସାରେ ଅତିରିକ୍ତ ଦାୟିତ୍ବ ଭାବେ 10ରୁ 12ଦିନ ଧରି 32ଟି ବିଷୟର ଦୀର୍ଘ ଉତ୍ତର ମୂଳକ ବିଷୟର ମୂଲ୍ୟାୟନ କରିବେ ପ୍ରଫେସର । ଏଥିପାଇଁ ଅତିକମରେ 03 ବର୍ଷର ଶିକ୍ଷାଦାନ ଅଭିଜ୍ଞତା, ଆସୋସିଏଟ ପ୍ରଫେସର, ସହକାରୀ ପ୍ରଫେସର ପଦବୀରେ ଅଧ୍ୟାପକଙ୍କ ସେବା ଯୋଗାଇଥିବା ଆବଶ୍ୟକ । ଏହାସହ ବିଭିନ୍ନ ବିଭାଗରେ ଶିକ୍ଷକତା ରହିଥିବା ଆବଶ୍ୟକ । ସଚିବଙ୍କୁ ସେମାନଙ୍କର ଯୋଗାଯୋଗ ବିବରଣୀ (ମୋବାଇଲ ନମ୍ବର ଏବଂ ଇ-ମେଲ ଆଇଡି) ସହିତ ପରୀକ୍ଷକଙ୍କ ଡାଟାବେସ ପ୍ରସ୍ତୁତି ଏବଂ ଅଗ୍ରଗତି ସକ୍ଷମ କରିବାକୁ OPSC ସିଧାସଳଖ ଭାବରେ ବିଭିନ୍ନ ନିଯୁକ୍ତି ପରୀକ୍ଷା ପାଇଁ ମୂଲ୍ୟାଙ୍କନ ଯୋଜନା କରାଯାଇଛି ।
ତେବେ ପ୍ରଫେସର ଦେଖିଥିବାକୁ ଥିବା ବିଷୟ ଗୁଡ଼ିକ ହେଲା କୃଷି ଇଞ୍ଜିନିୟରିଂ, କୃଷି, ଜୀବଜନ୍ତୁ ଏବଂ ଭେଟେରିନାରୀ ବିଜ୍ଞାନ, ଆନ୍ଥ୍ରୋପୋଲୋଜି, ବଟାନି, ରସାୟନିକ ବିଜ୍ଞାନ, ସିଭିଲ ଇଞ୍ଜିନିୟରିଂ, କମର୍ସ ଏବଂ ଆକାଉଣ୍ଟାଣ୍ଟ , ଇକୋନୋମିକ୍ସ, ଏଜ୍ୟୁକେଶନ, ଇଲେକ୍ଟ୍ରିକାଲ ଇଞ୍ଜିନିୟରିଂ, ଇଂରାଜୀ, ମତ୍ସ୍ୟ ବିଜ୍ଞାନ, ଜଙ୍ଗଲ ଓ ପରିବେଶ, ଜିଓଲୋଜି, ଇତିହାସ , ହୋମ ସାଇନ୍ସ,
ଆଇନ, ମ୍ୟାନେଜମେଣ୍ଟ, ଗଣିତ, ମେକାନିକାଲ ଇଞ୍ଜିନିୟରିଂ, ଓଡ଼ିଆ, ଫିଲୋସୋଫି, ଫିଜିକ୍ସ, ନୀତି ବିଜ୍ଞାନ ଏବଂ ଆନ୍ତର୍ଜାତୀୟ ସମ୍ପର୍କ, ସାଇକୋଲୋଜି, ପବ୍ଲିକ୍ ଆଡମିନିଷ୍ଟ୍ରେସନ୍, ସଂସ୍କୃତ, ସୋସିଓଲୋଜି, ପ୍ରାଣୀ ବିଜ୍ଞାନ ଏବଂ ପରିସଂଖ୍ୟାନ ଆଦି ବିଭାଗ ।
ଇଟିଭି ଭାରତ, ଭୁବନେଶ୍ବର
