ଭୁବନେଶ୍ବର : କୋଭିଡ୍ ସଂକ୍ରମଣକୁ ନେଇ ସତର୍କ ରହିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି । ଯେହେତୁ ବିଭିନ୍ନ ଦେଶରେ କୋଭିଡ ସଂଖ୍ୟା ବଢୁଛି । ତେଣୁ ଏଥିପାଇଁ ପ୍ରସ୍ତୁତି ଚାଲିଛି । ଏନେଇ ସମସ୍ତ ଜିଲ୍ଲାରେ 27 ତାରିଖ ଦିନ ମକ୍ଡ୍ରିଲ୍ କରାଯିବ । ଷ୍ଟାଫ୍ କେତେ ଅଛନ୍ତି ମେଡିକାଲରେ ବେଡ୍ କେତେ ରହିଛି , ଅକ୍ସିଜେନ କେତେ ପରିମାଣରେ ରହିଛି, ଔଷଧ କେତେ ପରିମାଣରେ ଅଛି ଏଭଳି ସମସ୍ତ ଜିନିଷ ସହ ଟେଷ୍ଟ୍ କିଟ୍ ଉପରେ ମଧ୍ୟ ଗୁରୁତ୍ୱ ଦିଆଯିବ । ଏହି ସବୁକୁ ନେଇ ଆଜି ଏକ ବୈଠକରେ ସମସ୍ତ ଜିଲ୍ଲାକୁ ସତର୍କ କରାଯାଇଛି ।
ଅନ୍ୟପଟେ ଲୋକଙ୍କ ମଧ୍ୟରେ ସଚେତନତା ସହ ଟେଷ୍ଟ ମଧ୍ୟ ବଢାଇବାକୁ ନିର୍ଦ୍ଦେଶ ଦିଆଯାଇଛି । ଯେଉଁ ସ୍ଥାନରେ ଜ୍ଵରଥଣ୍ଡା ଭଳି କିଛି ଲକ୍ଷଣ ଦେଖାଯାଉଛି ସେହି ସ୍ଥାନରେ ଟେଷ୍ଟ କରାଯିବ । ରାଜ୍ୟରେ ଦ୍ବିତୀୟ ଲହର ସମୟରେ ଯେତିକି ଆବଶ୍ୟକ ହେଉଥିଲା, ସେହି ହିସାବରେ ଗୋଟିଏ ମାସ ପାଇଁ ଟେଷ୍ଟ ଓ ଔଷଧ ପର୍ଯ୍ୟାପ୍ତ ପରିମାଣରେ ମହଜୁଦ ରହିଛି । ଯଦି ସଂକ୍ରମଣ ବଢେ ତେବେ ଆହୁରି ମଧ୍ୟ ଔଷଧ ଆସିବ ।
